पोखरा, १६ असोज । पोखरा–१२ माटेपानी स्थित आनन्दित गृहको छैठौ साधारण सभा सम्पन्न भएको छ ।
प्रमुख अतिथि ज्येष्ठ नागरिक सरोकार समाजका अध्यक्ष भक्तबहादुर श्रेष्ठले बृद्धहरुको हेरचाहमा आनन्दित गृहले पु¥याएको योगदानको खुलेर प्रशंसा गरे । सोही अवसरमा उनले संस्थालाई प्रभावकारी बनाउन ११ हजार रुपैयाँ दिने प्रतिबद्धता समेत व्यक्त गरेको छन् ।
संस्थाका आर्थिक व्यवस्थापक सल्लाहकार विश्व रत्न शाक्यले दीवा सेवा निःशुल्क चलाउन गाह्रो हुने भएकोले यस्तो पवित्र कार्यमा सहयोगी हातहरु बढाउनु पर्ने बताए । साथै ६ हजार रकम समेत सहयोग गरे ।
विगत लामो समय देखि आनन्दित गृहमा बस्दै आई रहेको ९६ वर्षीय भीमबहादुर गुरुङले आनन्दित गृहमा पारिवारिक वातावरण पाएकोमा खुसी व्यक्त गर्दे शाक्य दम्पत्तिलाई केही भएमा संस्थाको भविष्य के हुन्छ भन्ने चिन्ता समेत व्यक्त गरेका थिए । सो अवसरमा बृद्ध भीमबहादुर गुरुङले अक्षयकोष स्थापनाको लागि १ लाख ११ हजार रकम समेत प्रदान गरे ।
आनन्दित गृहका अध्यक्ष यज्ञमान शाक्यले संस्थालाई संस्थागत गर्नको लागि राज्य र दाताहरुले हातेमालो गर्न पर्ने बताए । कही कतैबाट बृद्धहरुको हेरचाहको लागि जग्गा उपलब्ध भएको खण्डमा आफूले व्याक्तिगत रुपमा ५० लाख र आवश्यक परे सो भन्दा बढि सहयोग गर्न पछि नपर्ने प्रतिबद्धता व्यक्त गरे ।
उक्त कार्यक्रममा उपासिका महिला संघ मोहोरिया टोल,मोहिनी श्रेष्ठ,किरण चन्द,धनकासी गुरुङ लगायतले आर्थिक सहयोग गरेका थियो । कार्यक्रममा रवीन्द्र माकाजु,हिरामान शाक्य,डा.विश्व कल्याण पराजुली,गंजकुमारी गुरुङ लगायतले मन्तव्य राखेका थिए । कार्यक्रम संचालन छवि गौडेल,वार्षीक प्रतिवेदन संस्थाका सचिव रोमा राउत शाक्य र आर्थिक प्रतिवेदन कोषाध्यक्ष मेजरमान बज्राचार्यले प्रस्तुत गरेका थिए ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१