यस्तो छ पोखराको क्रस कन्ट्री

आदर्श समाज सम्वाददाता
असाेज १५, २०७६
Cross Country Pressmeet_Fotor

क्रस कन्ट्री दौडको १ टिममा ३ जना खेलाडी अनिवार्य हुनुपर्छ। तीमध्ये २ जना पुरुष र १ जना महिला वा २ महिला र १ पुरुष रहनेछन्। तीनै जनाको एउटा टिमले सँगसँगै क्रस कन्ट्री दौड पूरा गर्नुपर्ने हुन्छ। सोअन्तर्गत रुटको ४ स्थानमा चेक प्वाइन्ट हुन्छन्।

पोखरामा बाराहीघाटदेखि शुरु हुने दौड फुस्रेखोलाको पुलमा पहिलो, मट्टीखानमा रेस र फलफूल तथा जुस सेवन, कुभिण्डे भञ्ज्याङमा दोस्रो चेक प्वाइन्ट, शान्ति स्तुपामा तेस्रो चेक प्वाइन्ट र लिचिबोटमा चौथो तथा अन्तिम चेक प्वाइन्ट हुनेछ।

वाराहीघाटबाट फुस्रे खोलासम्म दौड हुनेछ। फुस्रे खोलाको चेक प्वाइन्टमा एउटा टिमको लागि १ साइकल राखिन्छ। त्यहाँ, एउटा टिमको तीनै जना पुगेपछि मात्रै साइकल लिएर जान पाउँछ। उसले साइकल लिएर जान्छ भन बाँकी २ जना दौडनेछन्।

मट्टीखान पुगेपछि क्रस कन्ट्रीमा सहभागी खेलाडीका लागि त्यहाँको रिसोर्टमा रेष्ट हुन्छ। खेलाडीले त्यहाँ फलफूल तथा जुस खाई आराम गर्छन्। त्यसपछि रामकोटहुँदै कुभिण्डे भञ्ज्याङमा चेकप्वाइन्ट हुन्छ। कुभिण्डे भञ्ज्याङको चेकप्वाइन्टमा पनि टिमको ३ जना सँगसँगै पुगेको हुनुपर्दछ। सबै टिमका खेलाडीले कुभिण्डे भञ्ज्याङमा साइकल छाडेर पुनः दौडनुपर्ने हुन्छ। त्यहाँ, सबै टिमले छाडेका साइकल संकलन गरेर पोखरा ल्याइनेछ। त्यसपछि खेलाडी पोखराको शान्ति स्तुपा आइपुग्छन्।

शान्ति स्तुपामा पनि चेकप्वाइन्ट रहनेछ। शान्ति स्तुपाबाट ब्याक भएर खेलाडी लिचिबोट पुग्छन्। लिचिबोटमा पनि अर्को चेक प्वाइन्ट हुन्छ। प्रत्येक चेक प्वाइन्टमा टिमका तीनै जना खेलाडी पुगेपछि मात्रै अर्को चेक प्वाइन्टका लागि दौडनुपर्ने हुन्छ। लिचिबोटबाट भने बोटिङ हुन्छ। त्यहाँ प्रत्येक टिमका लागि एउटा डुंगा तयार पारिएको हुन्छ। एउटा टिमको तीनै जनाले डुंगा चढेर बाराहीघाट पुगेपछि दौड पूरा गरेको मानिन्छ।

Related News

सम्बन्धित समाचार

  • न्यू मोडलको फुटसल सुरु

    आदर्श समाज सम्वाददाता असार ७, २०८१
    पोखरा । न्यू मोडल सेकेण्डरी स्कुल, नागढुंगा आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ । प्रतियोगिता उद्घाटन…
  • गण्डकी प्रदेश पुरुष टि–२० क्रिकेटको उपाधि स्याङजाले जित्यो

    आदर्श समाज सम्वाददाता असार ७, २०८१
    पोखरा  । घरेलु टोली कास्कीलाई ६ विकेटले पराजित गर्दै गण्डकी प्रदेश पुरुष टि–२० क्रिकेटको उपाधि स्याङजाले जितेको छ । पोखरा…
  • हक्की प्रतियोगिता हुँदै

    आदर्श समाज सम्वाददाता असार ७, २०८१
    पोखरा । प्रदेश खेलकुद परिषद गण्डकीको आयोजना तथा गण्डकी प्रदेश हक्की संघ व्यवस्थापनमा शुक्रबारदेखि प्रदेशस्तरीय अन्तरजिल्ला हक्की प्रतियोगिता हुँदैछ ।…
  • कास्की जुडोमा छन्त्याल

    आदर्श समाज सम्वाददाता असार ७, २०८१
    पोखरा । कास्की जिल्ला जुडो संघ अध्यक्षमा पद्म छन्त्याल निर्वाचित भएका छन् । संघको प्रथम अधिवेशनले छन्त्याललाई अध्यक्षमा सर्वसम्मत निर्वाचित…
  • भेट्रान कप फुटसल जारी

    आदर्श समाज सम्वाददाता असार ७, २०८१
    लमजुङ । प्रथम भेट्रान फुटसल लमजुङ कपमा दोस्रो चरणअन्तर्गत बुधबार ३ खेल भए । बेसीसहरस्थित सहजी खेल मैदानमा सञ्चालित दोस्रो…

hero news full width