हसन र ज्योति पावर लिफ्टिङ च्याम्पियन

आदर्श समाज सम्वाददाता
असाेज १५, २०७६
Champions_Fotor

रानीपौवा स्पोर्टस् सेण्टरका हसन गुरुङ र ज्योति थापा क्लबस्तरीय पावर लिफ्टिङ्ग प्रतियोगिताको च्याम्पियन बनेका छन्। स्पोर्टस् क्यासल प्रालि कास्कीले आयोजना गरेको सो प्रतियोगिताअन्तर्गत पहिलो संस्करणको पावर लिफ्टिङ प्रतियोगिताको ओभरअलमा पुरुषतर्फ हसन र महिलातर्फ ज्योति च्याम्पियन बन्दै समान २० हजार, ट्रफी, प्रमाणपत्र तथा आकर्षक गिफ्ट ह्याम्पर प्राप्त गरे।

त्यस्तै, पुरुषतर्फको ७३ केजी तौल समूहसम्ममा पावर जिम तालचोकका सुजन आले प्रथम बन्दै ५ हजार, रानीपौवा स्पोर्टस् सेण्टरका आशीष गुरुङ द्वितीय बन्दै २ हजार र दि जायन्ट फिटनेसका नीरज केसी तृतीय बन्दै २ हजार, मेडल र प्रमाणपत्र हात पारे।

८९ केजी तौल समूहसम्मको पुरुषतर्फ रानीपौवा स्पोर्टस् सेण्टरका हसन गुरुङ च्याम्पियन बन्दै नगद ५ हजार रुपैयाँ, ट्रफी, मेडल तथा प्रमाण पत्र प्राप्त गरे।

१०२ केजी तौल समूहतर्फ पावर जिमका आशीष आलेमगर विजेता बने।

महिलातर्फको ६४ केजीसम्म तौल समूहमा रानीपौवा स्पोर्टस् सेण्टरकी ज्योती थापा प्रथम भइन्। ६४ केजी बढी तौल समूहतर्फ पावर जिम तालचोककी सीमा गुरुङ विजेता बनिन्।

पुरुषतर्फ सर्वाधिक डेडलिफ्ट गर्दै पावर जिमका आशीष आलेमगर, स्क्वायटमा सर्बाधिक लिफ्ट गर्दै दि जायन्ट फिट्नेसका राजेन छन्त्याल र बेन्चप्रेसमा सर्वाधिक लिफ्ट गर्दै पावर जिम तालचोकका राजेश सुवाल पुरस्कृत बने।

समापनमा प्रमुख अतिथि राष्ट्रिय खेलकुद परिषदका सदस्य राजेशकुमार गुरुङ, लोकतान्त्रिक खेलकुदका केन्द्रीय अध्यक्ष देवेन्द्र शेरचन, बगर भाइखलक अध्यक्ष दिलकाजी गुरुङ, वडी विल्डिङ संघ कास्की अध्यक्ष राजुकुमार थापा, क्यासल सञ्चालक ईश्वर गुरुङ, विजया गुरुङ, चन्द्रमान गुरुङ, अनमोल पालिखे र पवन गुरुङ लगायतले विजयीलाई पुरस्कार प्रदान गरेका थिए।

Related News

सम्बन्धित समाचार

  • विश्व ओलम्पिक दिवसमा माउन्ट अन्नपूर्णमा विविध कार्यक्रम

    आदर्श समाज सम्वाददाता असार ८, २०८१
    पोखरा । विश्व ओलम्पिक दिवस अवसरमा माउन्ट अन्नपूर्ण माविले एसइई दिएर बसेका विद्यार्थीहरुको फुर्सदको समय सदुपयोग गर्ने उद्देश्यले तीनदिने विविध…
  • कास्कीलाई हक्की उपाधि

    आदर्श समाज सम्वाददाता असार ८, २०८१
    पोखरा । प्रदेश खेलकुद परिषद् गण्डकी आयोजना र गण्डकी प्रदेश हक्की संघको व्यवस्थापनमा भएको अन्तरजिल्लास्तरीय हक्की प्रतियोगिताको उपाधि कास्कीले जितेको…
  • आर्चरीमा कास्की च्याम्पियन

    आदर्श समाज सम्वाददाता असार ८, २०८१
    पोखरा । तेस्रो संस्करणको गण्डकी प्रदेशस्तरीय आर्चरीमा कास्की च्याम्पियन भएको छ । कुल ९ पदकका लागि भएको प्रतियोगितामा कास्कीले ३…
  • न्यू मोडलको फुटसल सुरु

    आदर्श समाज सम्वाददाता असार ६, २०८१
    पोखरा । न्यू मोडल सेकेण्डरी स्कुल, नागढुंगा आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ । प्रतियोगिता उद्घाटन…
  • गण्डकी प्रदेश पुरुष टि–२० क्रिकेटको उपाधि स्याङजाले जित्यो

    आदर्श समाज सम्वाददाता असार ६, २०८१
    पोखरा  । घरेलु टोली कास्कीलाई ६ विकेटले पराजित गर्दै गण्डकी प्रदेश पुरुष टि–२० क्रिकेटको उपाधि स्याङजाले जितेको छ । पोखरा…

hero news full width