पोखरा । भारतले तेस्रो संस्करणको साफ यू–१८ फुटबल च्याम्पियनसीपको उपाधि जितेको छ ।
राजधानीको हलचोकस्थित सशस्त्र प्रहरी बल (एपीएफ) को खेल मैदानमा आइतबार भएको खेलमा बंगलादेशमाथि २–१ को जित निकाल्दै भारतले उपाधि जितेको हो ।
खेल सुरु भएको दोस्रो मिनेटमा नै भारतले अग्रता लिएको थियो । भारतका विक्रम प्रतापले पहिलो गोल गर्दै भारतलाई अग्रता दिलाए । भारतको त्यस अग्रतालाई ४० औँ मिनेटमा बंगलादेशका यसिनले गोल गर्दै बराबरी गरे । पहिलो हाफमा दुवै टिमले १–१ गोलको बराबरी खेल्दा इञ्जुरी समयमा भारतका रविबहादुर रानाले निर्णायक गोल गर्दै टोलीलाई जित दिलाए ।
तेस्रो संस्करणको साफ यू–१८ फुटबल च्याम्पियनसिप फुटबलमा भारतका मितेइ निन्थोइङबा सर्वोकृष्ट खेलाडी घोषित भए । मिडफिल्डर निन्थोइङबाले भारतलाई उपाधि दिलाउन महत्वपूर्ण भुमिका खेलेका थिए । मितेइ लिन्थाइङ्वा प्रेरित प्रदर्शनमा बंगलादेशलाई हराउँदै आइतबार भारतले साफ यू–१८ को उपाधि जितेको थियो । बंगलादेशका फरवार्ड फोयसल अहमेद फाहिम सर्वाधिक गोलकर्ता बने । नेपालका बृजेशलाल चौधरी उत्कृष्ठ स्ट्राइकर बने ।
तनावपूर्ण बनेको फाइनल खेलमा रेड कार्डको वर्षा भयो । बंगलादेशका २ र भारतका १ खेलाडीले रेड कार्ड खादैं मैदानबाट बाहिरिनु प¥यो ।
उपाधिका लागि खेलेका दुवै तर्फका खेलाडीहरु आक्रामक बन्दा फाइनल खेल तनावग्रस्त बनेको थियो । जसका कारण रेफ्रीले ३ वटा रातो कार्ड सहित ५ वटा पहेँलो कार्ड देखाउनु परेको थियो ।
बंगलादेशका खेलाडीले २ रातो कार्ड र ४ पहेँलो कार्ड पाए । भारतका १ खेलाडीले १ रातो र १ पहेँलो कार्ड पाएका थिए । खेलको तेस्रो मिनेटमै भारतका विक्रमले पहेँलो कार्ड पाए । १८ मिनेटमा बंगलादेशका काजी र २० मिनेटमा फहिमले पहेँलो कार्ड पाएको थियो ।
२३ मिनेटमा भारतका गुरकिरात र बंगलादेशका फहिमले रातो कार्ड पाउँदा दुवै टिम १०–१० खेलाडीमा सीमित बन्न पुग्यो । ३१ मिनेटमा बंगलादेशका तनवीरले अर्को पहेँलो कार्ड पाए ।
४० मिनेटमा बंगलादेशका यासिनले बराबरी गोल फर्काएपछि रातो कार्ड पाउँदै मैदानबाट बाहिरिए । जसका कारण बंगलादेश ९ खेलाडीमा सीमित बन्यो । बंगलादेशका खेलाडीले पहेँलो कार्ड पाउने क्रम जारी नै रह्यो । खेलको ६९ मिनेटमा बंगलादेशका सडेकुजानमले पहेँलो कार्ड पाए ।
जारी तेस्रो संस्करणको साफ यू–१८ फुटबल च्याम्पियिनसीपमा माल्दिभ्स तेस्रो बनेको छ ।
सातदोबाटोस्थित एन्फा कम्प्लेक्स मैदानमा आइतबार नै तेस्रो स्थानको लागि भएको खेलमा भुटानलाई १–० ले हराउँदै माल्दिभ्स च्याम्पियनसिपमा तेस्रो बनेको हो । प्रतिस्पर्धात्मक बनेको खेलको पहिलो हाफ गोलरहित बराबरीमा सकिएको थियो ।
तर, दोस्रो हाफमा भुटानविरुद्ध माल्दिभ्सले निर्णायक एक गोल गर्दै तेस्रो बन्न सफल भयो । माल्दिभ्सका लागि इब्राहिम इमरानले भुटानको डिफेन्सको कमजोरीको फाइदा उठाउँदै गोल गरे । भुटान खेलमा फर्कने प्रयास गरेपनि गोल भने गर्न सकेन । यस प्रतियोगितामा नेपाल समूह चरणबाट नै बाहिरिएको थियो ।
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१