हङकङ व्युटी इन्स्टिच्युटमा दीक्षान्त

सांसद गुरुङको वृत्तचित्र प्रदर्शन

आदर्श समाज सम्वाददाता
असाेज १०, २०७६
beauty_Fotor

हङकङ व्युटी इन्स्टिच्युट प्रालिको ३४ औं वार्षिकोत्सव तथा क्लारा इन्टरनेश्नल स्पाः एवं व्युटी कलेजको चौथो वार्षिकोत्सव अवसरमा विहीवार विद्यार्थीलाई दीक्षित गरिएको छ। सो अवसरमा प्रालि संचालक समेत रहेकी सांसद मीना गुरुङको जीवनीमा आधारित वृत्तचित्रसमेत प्रदर्शन भयो।

क्लारा इन्टरनेश्नल एस्थेटिक कलेजबाट डिप्लोमा कोर्ष पूरा गरेका २२ जना युवतीलाई प्रमुख अतिथि गण्डकी प्रदेश सामाजिक विकास मन्त्री नरदेवी पुनमगर र संचालक मीना गुरुङले दीक्षित गर्दै प्रमाणपत्र प्रदान गरे। पोखराको महेन्द्रपुलमा रहेको सो व्युटी इन्स्टिच्युट पोखराको पुरानो व्युटी इन्स्टिच्युट हो। इन्स्टिच्युटले सीटीइभीटीमा आधारित रही विभिन्न तहमा व्युटीसम्बन्धी कोर्स दिलाउँदै आएको छ।

कार्यक्रममा बोल्दै मन्त्री पुनले प्रदेशका जनतालाई आत्मनिर्भर र व्यावसायिक बनाउन स्थानीयको आवश्यकता आधारमा प्रदेशका ८५ वटै स्थानीय तहमा तालिम संचालन गरिने बताइन्। उनले भनिन्, ‘तालिममा गएर भत्ता पाउने र आफ्नो जीविकोपार्जन गर्ने हिसाबले पहिला धेरै तालिम दिलाउने चलन थियो। अब त्यसो नभइ स्थानीयको आय आर्जन र सीपको प्रबद्र्धन गर्न माग अनुसारको तालिमको व्यवस्था गर्छौ। ’

भोलि केही गरौं भन्नेहरुको लागि सांसद मीना गुरुङको वृत्तचित्र धेरै व्यक्तिहरुको लागि प्रेरणाको श्रोत हुन सक्ने उनको भनाइ थियो।

प्रदेश सांसद गायत्री गुरुङले इमानदार सबैको भलो चिताउने सांसद मीना गुरुङले धेरै व्यक्तिहरुलाई सौन्दर्य पेशामा संगठित पार्दै आएकोमा खुसी व्यक्त गरिन्।

पत्रकार महासंघ कास्की अध्यक्ष दीपेन्द्र श्रेष्ठले सांसद मीना गुरुङ सामाजिक क्षेत्रमा निरन्तर रुपमा क्रियाशील भएको जनाए।

कार्यक्रममा नेपाल च्याम्बर अफ कमर्स कास्की अध्यक्ष किसान सुनार, पत्रकार दुर्गा भण्डारी लगायतले सांसद गुरुङको योगदानको प्रशंसा गरे।

कार्यक्रममा हङकङको लाहुरे जीवनदेखि गण्डकी प्रदेशसभा सदस्यसम्मको जीवन संघर्षको विषयमा समेटेर तयार पारिएको सांसद मीना गुरुङको वृत्तचित्र प्रदर्शन गरिएको हो।

कार्यक्रमबीच, सुरक्षित आप्रवासन (सामी) परियोजना कास्की संयोजक एवं महिला तथा बालबालिकाको क्षेत्रमा काम गर्दै आएकी माया गुरुङ (मैयाँ) लाई इन्स्टिच्युटले सम्मान गरेको थियो।

Related News

सम्बन्धित समाचार

  • हेरालोले सिकायो कम्पोस्ट मल बनाउन

    आदर्श समाज सम्वाददाता असार ४, २०८१
    पोखरा । हेरालो प्रतिष्ठान कास्कीले अर्चलबोट आमा समूहमा आबद्ध महिलाहरुलाई कम्पोस्ट मल बनाउने सरल विधि सिकाउँदै फोहोरमैला व्यवस्थापनबारेमा अन्तर्राष्ट्रियसमेत गरेको…
  • भाषा संघको जापानी भाषा तालिम

    आदर्श समाज सम्वाददाता असार ४, २०८१
    पोखरा । भाषा संघ नेपाल (लान) को आयोजना छैटौं जापानी भाषा शिक्षक तालिम सम्पन्न भएको छ । तालिममा पोखरामा रहेका…
  • प्रादेशिक पुनर्स्थापना केन्द्र तत्काल सञ्चालन गर्न आग्रह

    आदर्श समाज सम्वाददाता असार ४, २०८१
    पोखरा । लैंगिक हिंसा व्यवपस्थापन सल्लाहकार समिति कास्कीको बैठक आइतबार सम्पन्न भएको छ । बैठकले लंैगिक हिंसा प्रभावितहरूको लागि अल्पकालीन…
  • भद्रकाली माविलाई फुटसल उपाधि

    आदर्श समाज सम्वाददाता असार ४, २०८१
    पोखरा । मदरल्यान्ड माविले आयोजना गरेको दोस्रो मदरल्यान्ड एसइई कप फुटसल प्रतियोगिताको उपाधि भद्रकाली माविले जितेको छ । भद्रकालीले फाइनलमा…
  • धर्मसभा कास्कीमा मोक्षनाथ

    आदर्श समाज सम्वाददाता असार ४, २०८१
    पोखरा । राष्ट्रिय धर्मसभा नेपाल जिल्ला कार्य समिति कास्कीको छैठौं अधिवेशनबाट मोक्षनाथ तिमिल्सिनाको अध्यक्षतामा २६ सदसीय कार्य समिति र सल्लाहकार…

hero news full width