पोखरा, १ असोज । राष्ट्रिय शिक्षक सीप विकास (एन्फोस्र्ड) फाउण्डेशन कास्कीको पाँचौ साधारण सभा आइतबार सम्पन्न भएको छ ।

कार्यक्रमका प्रमुख अतिथि शिवशक्ति क्याम्पस पोखरा– ११ का व्यवस्थापन समिति अध्यक्ष दामोदर वास्तोलाले उद्घाटन गरेका हुन् । आमन्त्रित विशिष्ठ अतिथि शिवशक्ति क्याम्पसका क्याम्पस प्रमुख दीपक वास्तोलाले असल शिक्षक उत्पादन गर्ने आफ्नो उद्देश्यमा फाउण्डेशनको सहकार्यले टेवा पुग्ने विश्वास व्यक्त गरेका थिए ।

पाँच दिवसीय शिक्षक तालिम तथा कार्यशाला गोष्ठीगरी आगामी २ वर्षसम्म पढाईने अन्तराष्ट्रिय स्तरको पाठ्यक्रमको निर्माण गर्न कार्तिक २– ६ गतेसम्म मातहतका विद्यालयका शिक्षकहरु, टिआईपी कार्यक्रममा सहभागी प्राचार्यहरु, शिवशक्ति क्याम्पसमा विएड. कार्यक्रममा अध्ययन गर्ने विद्यार्थी समेत सम्मिलित गराइने वताइएको छ ।

संस्थाका सचिव प्रेमबहादुर कुँवरले पेश गरेको वार्षिक कार्य प्रगतिप्रतिवेदन माथि छलफल गरी थप कार्यक्रम सहित पास गरिएको तथा कोषाध्यक्ष शोभा मिश्र अधिकारीले आर्थिक प्रतिवेदन पेश गरेकी थिइन ।

साधारण सभामा आगामी दिनमा वि.एड. कार्यक्रममा आकर्षण वढाउन र शिक्षण पेशामा वौद्धिक विद्यार्थीलाई ल्याउन विभिन्न कार्यक्रम समेत गर्नुपर्ने विषयमा छलफल भएको वताईन्छ ।

संस्थामा हाल ७ वटा संस्थागत तथा सामुदायिक विद्यालयका शिक्षकहरु तथा प्रत्येक विद्यालयका स्याटेलाइट विद्यालयका शिक्षकहरुले विभिन्न समयमा अन्तराष्ट्रिय स्तरको तालिम प्राप्त गर्दै आएका छन् ।

संस्थाका अध्यक्ष विश्वराज वास्तोलाको अध्यक्षतामा भएको कार्यक्रममा उपाध्यक्ष विष्णु प्रसाद तिमिल्सिनाले स्वागत मन्तव्य र संचालन सचिव प्रेमबहादुर कुँवरले गरेका थिए ।