पोखरा, १ असोज । पोखरा उद्योग वाणिज्य संघले युवा पत्रकार भरत कोइरालालाई आर्थिक पत्रकारिता पुरस्कार २०७६ बाट सम्मानित गर्ने भएको छ ।

संघका पूर्वअध्यक्ष कृष्णमोहन श्रेष्ठको संयोजकत्वमा गठित पोखरा उद्योग वाणिज्य संघ आर्थिक पत्रकारिता पुरस्कार योग्य प्रतिभा चयन उपसमितिले मंगलबार कोइरालालाई पुरस्कृत गर्ने निर्णय गरेको हो । सो समितिका सदस्यहरुमा संघका पूर्वउपाध्यक्ष ईश्वर कर्माचार्य, पूर्वकोषाध्यक्ष दिलिपराज श्रेष्ठ,नेपाल पत्रकार महासंघ कास्की शाखाका सल्लाहकार रमेश पौडेल र पोउवा संघका कार्यसमिति सदस्य हरिराज पन्त सदस्य रहेका थिए ।

कोइरालाले पत्रकारिताको माध्यमबाट समग्र पोखराको आर्थिक विकासमा पु¥याएको योगदानको कदरगर्दै उनलाई सो पुरस्कार प्रदान गर्ने निर्णय गरिएको हो । संघले आफ्नो ६५ औँ अधिवेशनको अवसरमा आउँदो असोज ४ गते सम्मान गर्ने संघका महासचिव अर्जुन पोखरेलले जानकारी दिए ।