पोखरा, ३१ भदौं । सहारा क्लब पोखराको सोमबार साँझ सम्पन्न भएको २१ औं साधारण सभा तथा ११ औं अधिवेशनले पुनः केशबबहादुर थापाको अध्यक्षतामा नयाँ कार्यसमिति चयन गरेको छ ।

आगामी दुई वर्षे कार्यकालको लागि १३ सदस्य नयाँ कार्यसमिति सर्वसम्मत रुपमा चयन भएको छ । क्लबको वरिष्ठ उपाध्यक्षमा पुनः हरिराम गुरुङ, उपाध्यक्षमा विश्वराज बराल, महासचिवमा रामजीप्रसाद अधिकारी, सचिवमा सुनील राना मगर, कोषाध्यक्षमा पुनः राजु लालचन, सहकोषाध्यक्षमा बीनु राना मगर चयन भएका हुन् ।

त्यसैगरी सदस्यहरुमा रोजिना गुरुङ, तिलकबहादुर अधिकारी, ज्योति केसी, सन्दिप सुवेदी, गंगाराज पौडेल र बिष्णु कार्की सर्वसम्वत रुपमा चयन भएका हुन । सुनील राना मगर र बिष्णु कार्की उक्त कार्यसमितिमा नयाँ अनुहार हुन् ।