‘सुनिश्चित बाल अधिकार: समृद्ध नेपालको आधार’ भन्ने नाराका साथ एसओएस हरमन माइनर विद्यालय गण्डकीमा बाल दिवस कार्यक्रम सम्पन्न भएको छ।
उक्त अवसरमा पूर्व प्राथमिक र प्राथमिक तहका विद्यार्थीको प्रतिभा प्रस्फुटन कार्यक्रममा विद्यार्थीले आफ्नो प्रतिभा प्रस्तुत गरेका थिए।
एसओएस बालग्राम गण्डकीका योजना निर्देशक भगत कुमार श्रेष्ठको प्रमुख आतिथ्यमा सम्पन्न उक्त कार्यक्रमलाई सम्बोधन गर्दै बालबालिकाहरू राष्ट्रको भविष्य भएकाले सबैले उनीहरूको अधिकारको सुनिश्चितता गर्नुपर्ने र एसओएस नेपालले जोखिममा रहेका बालबालिकाको मायालु घर, परिवार, गुणस्तरीय शिक्षा र स्याहारको सुनिश्चितताको लागि लागिपरेको कुरा व्यक्त गरे।
विद्यालयका प्राचार्य राजेन्द्र कुमार श्रेष्ठको सभापतित्वमा सम्पन्न कार्यक्रममा स्वागत मन्तव्य विद्यालयका सहायक प्राचार्य चुडामणि सुवेदीले गरेका थिए। सो अवसरमा विद्यालयका प्राचार्यले विद्यालय देशभरबाट उत्कृष्ट विद्यालय घोषित हुन सफल भएकोमा सम्पूर्ण शिक्षक, कर्मचारी, अभिभावक, विद्यार्थीलाई धन्यवाद प्रकट गरेका थिए।
कक्षा नर्सरीदेखि कक्षा २ सम्म र कक्षा ३ देखि कक्षा ५ सम्म गरी दुई तहमा सञ्चालित उक्त कार्यक्रममा विद्यार्थीले गीत, नृत्य, कविता, नाटक लगायतका प्रस्तुतिहरू प्रस्तुत गरेका थिए। जम्मा ५३ वटा एकल र सामूहिक प्रस्तुतिहरू रहेको उक्त बाल दिवस विशेष प्रतिभा प्रस्फुटन प्रतियोगितामा कक्षा नर्सरी देखि २ सम्म रोजमेरी खड्की प्रथम सुसन्न तामाङ द्वितीय संवीद ढुङ्गाना र सम्मि गुरूङ तृतीय र आयुष पोख्रेल चतुर्थ हुन सफल भए भने कक्षा ३ देखि ५ सम्मको प्रतियोगितामा स्मृति ढकाल प्रथम विभूति पाण्डे द्वितीय विद्या पराजुली र निम्वल पौडेल तृतीय र रोजी भूजेल चतुर्थ हुन सफल भए भने उक्त कार्यक्रममा निर्णायकको भूमिकामा नृत्य प्रशिक्षकद्वय सविना गुरूङ र संगीता आले थिए।
Related News
सम्बन्धित समाचार
मधेशका सभामुखको टोली महेन्द्रगुफामा
प्रकटको स्मरणमा फिल्म ‘प्रतिबद्धता’ प्रदर्शन
कैदीबन्दी न्यायिक सरोकारमा नलबहादुर मनोनित
आगोलागी नियन्त्रणसम्बन्धी सचेतना
पोखरा ६ मा साबुन बनाउने तालिम
hero news full width
मुख्य समाचार
कक्षा १२ को परीक्षा आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१