मानवअधिकार तथा शान्ति समाजमा सुवर्णकार

समय आन्दोलनका अभियन्ता शाक्य सम्मानित

आदर्श समाज सम्वाददाता
भाद्र २९, २०७६
bisho photo_Fotor

मानवअधिकार तथा शान्ति समाज कास्कीको २१ औं साधारणसभा तथा १२ औं अधिवेशनले अमृत सुवर्णकारको अध्यक्षतामा नयाँ कार्यसमिति चयन गरेको छ।

समितिको उपाध्यक्ष तीर्थराज नेउपाने, सचिव रामकृष्ण ढुङ्गाना, कोषाध्यक्ष बेलबहादुर नेपाली, सहसचिव सावित्रा पौडेल सुवेदी छन्।

यसैगरी, सदस्यमा अनुजा शैजु, पार्वती बराल, रमा ढकाल, कोलप्रसाद अर्याल, रमेश परियार र जीवनप्रकाश श्रेष्ठ छन्।

साधारण सभाको गण्डकी प्रदेशका सभामुख नेत्रनाथ अधिकारीले उद्घाटन गरे।

सोही समारोहमा समय आन्दोलनका अभियन्ता अग्रज फोटो पत्रकार विश्वरत्न शाक्यलाई सम्मान गरिएको छ।

प्रमुख अतिथि अधिकारीले शाक्यलाई दोसल्ला र सम्मानपत्रसहित सम्मान अर्पण गरे।

त्यस अवसरमा प्रमुख अतिथि अधिकारीले पुराना संविधान असफल भएकाले नयाँ संविधानले मौलिक हक र समानतालाई जोड दिएर कार्यान्वयन गर्नु तीनै तहका सरकारको दायित्व भएको उल्लेख गरे।

साथै उनले मानवअधिकार शान्ति समाजले समय आन्दोलनको अगुवाई गर्दै नारी पुरुषलाई समानतामा लैजान सके मानवअधिकारको रक्षा हुने बताए।

सम्मानित व्यक्तित्व अग्रज फोटो पत्रकार विश्वरत्न शाक्यले मानव अधिकारको रक्षा गर्न व्यक्तिव्यक्तिमा सुधार हुनुपर्ने भन्दै मानवअधिकार रक्षा गर्नु चुनौती भएको बताए। शाक्यले मानिसमा मैत्री, करुणा, मुदिता र उपेक्षा भाव भएमा मात्र मानवअधिकारको संरक्षण हुने भएकाले सबैले उक्त चार कुरालाई ध्यान दिए सुधार हुने कुरा व्यक्त गरे।

सम्मानित व्यक्तित्वको परिचय राख्दै संस्थाकी सह–सचिव शावित्री शर्माले समय आन्दोलनको उत्कृष्ट नमूना शाक्यको अभियानलाई सबैले साथ दिनुपर्ने धारणा राखिन्।

कार्यक्रममा राष्ट्रिय मानवअधिकारका क्षेत्रीय निर्देशक दीपकजंग कार्की, शान्ति समाजका केन्द्रीय सदस्य कमला थापा, अग्रज मानव अधिकारकर्मी टेकनाथ बराल, समाजवादी पार्टीका सचिव नारायणप्रसाद भण्डारी सल्लाहकार देवीलाल शर्मा, पत्रकार श्याम कुँवर, नागरिक समाज कास्कीका संयोजक विष्णुहरि अधिकारी, गण्डकी अटो मेकानिकलका अध्यक्ष सानुमान जलारी, साहित्यकर्मी बिर्सना बस्नेतलगायतले मन्तव्य व्यक्त गरेका थिए।

साधारणसभाले सहसचिव सावित्रा पौडेल सुवेदीले प्रस्तुत गरको वार्षिक प्रतिवेदन पारित सर्वसम्मत पारित गरेको थियो।

मानवअधिकार शान्ति समाज कास्कीका सभापति अमृत सुवर्णकारको अध्यक्षतामा भएको कार्यक्रममा उपाध्यक्ष तीर्थ न्यौपानेले स्वागत तथा सचिव रामकृष्ण ढुङ्गानाले कार्यक्रम सञ्चालन गरेका थिए।

Related News

सम्बन्धित समाचार

  • स्टेप बाइ स्टेप माविमा हाजिरीजवाफ

    आदर्श समाज सम्वाददाता असार ६, २०८१
    पोखरा । स्टेप बाई स्टेप मावि मासबार, पोखराले आफ्नो वार्षिक कार्यतालिका अनुसार कक्षा ८ देखि १० कक्षासम्मका विद्यार्थीबीच हाजिरीजवाफ प्रतियोगिता…
  • हेमजामा हिले महोत्सव तयारी

    आदर्श समाज सम्वाददाता असार ४, २०८१
    पोखरा । देवीस्थान सेवा समाज हेमजा आयोजनामा यस वर्ष हुने चांैथो हिले महोत्सवमा ७ हलगोरुको व्यवस्था गरिएको छ । ‘कृषिमा…
  • मनाइयो पहिलो दिनको बकर इद

    आदर्श समाज सम्वाददाता असार ४, २०८१
    पोखरा । मुस्लिम धर्मावलम्बीको दोस्रो महान पर्व बकर इद (इदुल जोहा) सोमबार देशभरका मस्जिदमा नमाज पाठ गरी हर्षोल्लासपूर्वक मनाइएको छ…
  • हेरालोले सिकायो कम्पोस्ट मल बनाउन

    आदर्श समाज सम्वाददाता असार ४, २०८१
    पोखरा । हेरालो प्रतिष्ठान कास्कीले अर्चलबोट आमा समूहमा आबद्ध महिलाहरुलाई कम्पोस्ट मल बनाउने सरल विधि सिकाउँदै फोहोरमैला व्यवस्थापनबारेमा अन्तर्राष्ट्रियसमेत गरेको…
  • भाषा संघको जापानी भाषा तालिम

    आदर्श समाज सम्वाददाता असार ४, २०८१
    पोखरा । भाषा संघ नेपाल (लान) को आयोजना छैटौं जापानी भाषा शिक्षक तालिम सम्पन्न भएको छ । तालिममा पोखरामा रहेका…

hero news full width