वालिङ, २५ भदौ । वालिङ नगरपालिकाले बुधबार डेंगु सम्बन्धी सचेतनामूलक कार्यक्रम सम्पन्न गरेको छ । लामखुट्टेको टोकाईबाट सर्ने डेंगु ज्वरोको संक्रमण बढ्दै गएकाले यसको रोकथामका लागि ‘सर्च एण्ड डिष्ट्रोय’ अभियान सञ्चालन गरेको हो ।
वालिङ मोडबाट स्वास्थ्यकर्मी, कर्मचारी, जनप्रतिनिधि,सशस्त्र प्रहरी, जनपथ प्रहरी र स्थानीयको सक्रियतामा भकुण्डे, भुम्रे, तल्लो वालिङ हुँदै पुनः मोडमा आएर सकिएको थियो ।सचेतनाका लागि गएको टोलीले वर्कसपका टायरमा जमेका पानी फाल्नुकासाथै अन्य पानी जमेका स्थानहरुमा ‘ब्लिचिङ पाउडर’ छरिएको थियो भने लामखुट्टे हुन सक्ने संभावित स्थलहरुको खोजी गरिएको थियो ।
वर्कसपमा रहेका टायरहरुमा पानी जम्न नदिन सम्बन्धित ब्यक्तिहरुलाई सचेत गराइएको थियो भने माईकिङमाफत घर वरीपरी पानी जम्ने स्थानहरुमा पानी जम्न नदिन वा पानीका ड्रमहरु, बाल्टिनहरुलाई छोपेर राख्न सुझाव दिइएको थियो ।
समापन कार्यक्रममा बोल्दै नगर प्रमुख दिलीपप्रताप खाँणले रोग लागेपछि पछुताउनुभन्दा रोग लाग्न नै नदिनु बुद्धिमानी हुने भएकाले सचेत हुन आग्रह गरे । उनले वालिङमा पनि डेङ्गु रोगका संक्रमित ब्यक्तिहरु भेटिएकाले सबैले यसबाट बच्ने उपायहरु अपनाउन पनि सुझाव दिए । नगर प्रमुख खाँणले सचेतनामूलक ¥याली एवं ‘सर्च एण्ड डिष्ट्रोय’ कार्यकालागि सहयोग गर्ने सबैप्रति आभार ब्यक्त गरे ।
स्याङ्जामा लामखुट्टेको टोकाइबाट सर्ने ज्वरो डेङ्गुका ४७ विरामी फेला परेका छन् । नजिकैको शहर पोखरामा डेङ्गुका विरामी उच्च भेटिएका बेला स्याङ्जामा पनि त्यसको प्रभाव परेको र डेङ्गुका विरामीको संख्यामा बृद्धि भएको जिल्ला स्वास्थ्य कार्यालय स्याङ्जाका जनस्वास्थ्य अधिकृत कमल पाण्डेले बताए ।
ईपिडिमियोलोजी तथा रोग नियन्त्रण महाशाखा टेकुका अनुसार स्याङ्जा जिल्लामा बसोबास गर्ने ४७ जनामा डेङ्गुको संक्रमण देखिएको छ ।
जिल्ला अस्पताल स्याङ्जामा दुई जना, ग्रहौं घ्याङलिङ प्राथमिक स्वास्थ्य केन्द्र वालिङमा एक जना र अन्य पोखराका विभिन्न अस्पतालहरुमा उपचारका क्रममा भेटिएको तथ्याङ्क प्राप्त भएको जनस्वास्थ्य अधिकृत पाण्डेले बताए ।
“जिल्ला अस्पताल स्याङ्जा र ग्रहौं घ्याङलिङ प्राथमिक स्वास्थ्य केन्द्र वालिङ गरी दुई स्वास्थ्य संस्थामा डेङ्गु परीक्षणको किटको ब्यवस्था रहेको छ” जनस्वास्थ्य अधिकृत पाण्डेले भने, “जिल्लामा रहेका यी दुई स्वास्थ्य संस्थाबाहेक पोखराका विभिन्न अस्पतालमा गरेर उपचार तथा परीक्षण गराउनेको संख्या धेरै रहेको छ ।”
डेङ्गु रोगबाट बच्नका लागि स्याङ्जाका एघार वटै पालिकाहरुले सचेतनामूलक कार्यक्रम तथा लामखुट्टे नियन्त्रणका लागि ‘सर्च एण्ड डिष्ट्रोय’ को अभियान सञ्चालन गरेका छन् ।“लामखुट्टेको बासस्थान हुन सक्ने संभावित स्थानहरुको खोजी गरी नियन्त्रणका लागि स्वास्थ्यकर्मीहरुमार्फत सचेतनामूलक कार्यक्रम सञ्चालन गरेका छौं” वालिङ नगरपालिका स्वास्थ्य शाखा प्रमुख मणि पंगेनीले भने, “यो अभियानलाई अझै फराकिलो बनाउँदै प्रत्येक टोल टोलमा पु¥याईने छ ।”
डेङ्गु रोगका लक्षण, बच्ने उपाय तथा लामखुट्टे नियन्त्रणका लागि अपनाउन सकिने उपायहरुकाबारेमा सचेतनामूलक कार्यक्रमहरु सञ्चालन गरिएको शाखा प्रमुख पंगेनीले बताए ।
Related News
सम्बन्धित समाचार
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
hero news full width
मुख्य समाचार
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१