म्याग्दी,२२ भदौ । यहाँका एक परिवारले स्वर्गीय आमाको सम्झनामा विद्यालयलाई आर्थिक सहयोग गरेको छ । म्याग्दीको दुर्गम मालिका गाउँपालिका– ३ लुक्सीपार निवासी एक परिवारले सोही वडा औलाखर्क स्थित गोरक्षा आधारभुत विद्यालयलाई एक लाख रुपैयाँ बढी सहयोग गरेका हहुन् ।

स्वर्गीय आमा चन्द्रकला बुढाको स्मृतिमा छोराहरु मनरुपी बुढा, धनबहादुर बुढा ,कुलबहादुर बुढा ,पुर्णबहादुर बुढा र हेमबहादुर बुढा मगरले विद्यालयलाई संयुक्र रुपमा १ लाख १८ हजार रुपैयाँ सहयोग गरेका हुन् ।

सहयोग रकम विद्यालय व्यवस्थापन समितिका अध्यक्ष धनबहादुर रोका मगरलाई एक कार्यक्रमका बीच हस्तान्तरण गरिएको छ । आर्थिक सहयोग रकमबाट गरिब तथा जेहेन्दार विद्यार्थी छात्रवृत्तिका लागि स्वर्गीय चन्द्रकला स्मृति अक्षयकोष स्थापना गरिएको विद्यालयका प्रअ तथा सहयोगदाता हेमबहादुर बुढा मगरले जानकारी दिए ।

सहयोग रकम प्रभु बैंकमा जम्मा गएिको र जम्मा भएको रकमको बार्षिक रुपमा आउने ब्याजबाट विद्यालयमा अध्ययनरत गरिब तथा जेहेन्दार विद्यार्थीलाई छात्रवृत्ति वितरण गरिने विद्यालय व्यवस्थापन समितिका अध्यक्ष रोका मगरले बताए । कक्षा ८ सम्मको पढाइ हुने विद्यालयमा १ सय ५० बढी विद्यार्थी अध्ययनरत छन् ।