पोखरा, १७ भदौ । स्याङ्जा जिल्लाको हरिनास गाउँपालिका–३ स्थित ललई मिनडाँडामा बाबु– छोराको हत्या भएको छ । मंगलवार विहान एकै परिवारका बाबुछोराको धारिलो हतियार प्रयोगगरी हत्या भएको हो ।

घरमा सुतिरहेका ३० वर्षीय चित्रबहादुर केसी र उनका ४ वर्षीय छोरा रिजनको धारिलो हतियार प्रयोगगरी हत्या गरिएको जिल्ला प्रहरी कार्यालय स्याङ्जाका प्रवक्ता तथा प्रहरी नायव उपरीक्षक नवीनकृष्ण भण्डारीले जानकारी दिए ।

भण्डारीका अनुसार बाबुको टाउको र हातहरुमा र छोराको घाँटीमा धारिलो हतियार प्रहार गरिएको छ । उनी पत्नीसहित तीन जना एउटै कोठामा सुतेका थिए । मंगलवार विहान ४.०० वजे अज्ञात व्यक्तिको समूह घरभित्र प्रवेशगरी खुकुरी प्रहारगरी उनीहरको हत्या गरेको हो । उनीहरुको घटनास्थमा नै मृत्यु भएको थियो ।

खुकुरी प्रहारपछि एउटै कोठाको अर्को खाटमा सुतेकी चित्रबहादुरकी पत्नी चिच्याएपछि हत्यामा सम्लग्न व्यक्ति भागेका थिए ।घटनाको बारेमा अनुसन्धान भइरहेको प्रहरीले जानकारी दिएको छ । शव शल्यपरीक्षणका लागि पोखरा स्वास्थ्य विज्ञान प्रतिष्ठान अन्र्तरगत पश्चिमाञ्चल क्षेत्रीय अस्पताल पोखरा ल्याइएको छ ।