एटीएम ह्याक गर्ने ७ चिनियाँ र १ फ्रान्सेली नागरिक रहेको पुष्टि

एजेन्सी
भाद्र १७, २०७६
maxresdefault

पोखरा, १७ भदौ । एटीएम ह्याक गरी पैसा लुट्ने ह्याकरहरूविरुद्ध प्रहरीले सुरु गरेको कारबाहीमा पाँच जना चिनियाँ र एक फ्रान्सेली नागरिक पक्राउ परेका छन् ।

प्रहरीको अनुसन्धानबाट सोमबार अपराह्नसम्म घटनामा आठ जना विदेशी नागरिकको संलग्नता पुष्टि भएको छ। उनीहरुलाई सघाउने तीन नेपालीलाई समति प्रहरीले पक्राउ गरेको छ ।

प्रहरीले चिनियाँ ह्याकरविरुद्धको अप्रेसनमा उनीहरुले नेपाली रुपैयाँ साट्ने दुई मनि चेञ्जर संचालक र प्रवन्धकलाई समेत पक्राउ गरेको छ । चिनियाँ टोलीले २९ लाख ९९ हजार रुपैयाँ अमेरिकी डलर साट्ने काठमाण्डौका दुई मनि चेञ्जर सञ्चालक र प्रबन्धकलाई पक्राउ गरेको हो ।

नेपाली रुपैयाँ सस्तोमा किनेर महंगोमा डलर बेच्ने डेक्सोका सञ्चालक वेदनाथ लामिछाने र नेपालयका सञ्चालक रोशन प्रधान श्रेष्ठलाई प्रहरीले पक्राउ गरेको हो। घटनामा प्रत्यक्ष संलग्न रहेका नेपाललयका प्रबन्धक रेवती दवाडी समेत पक्राउ परेको प्रहरीले जानकारी दिएको छ ।

अनुसन्धान अधिकारीहरुका अनुसार शनिबार बिहानदेखि एटीएमबाट पैसा निकाल्न थालेका चार जना चिनियाँले आलोपालो गरी ठमेलका यी दुई मनि चेञ्जरमा पुगेर पैसा साटिरहेको क्लोज सर्किट क्यामेरामा भेटिएको छ।

प्रहरीले दुवै मनि चेञ्जरका सीसीटीभी फुटेज समेत लिएर अनुसन्धान गरिरहेको छ। शनिबार राति भएको एटीएम ह्याक घटनाबारे प्रहरीले अनुसन्धान जारी राखेको छ। सोही क्रममा थप विवरण सार्वजनिक भएको हो।

परिसरबाट अनुसन्धानको नेतृत्व गरिरहेका डीएसपी होविन्द्र बोगटीले मनि चेञ्जरबाट लुटिएको रकम बरामद भएको बताए। उनले दुवै मनि चेञ्जरले गैरकानुनी रुपमा नेपाली रुपैयाँ सटही गरेकाले सोही कसुरअनुसार मुद्दा अघि बढने बताए।

डीएसपी बोगटीले भने, ‘विमानस्थलमा पक्राउ परेका आरोपीसँग समेत ६ हजार अमेरिकी डलर बरामद भएको छ।’ फरार रहेका दुई जनाले मनि चेञ्जरबाट साटेको रकम लिएर फरार भएको आशंका उनले व्यक्त गरे।

परिसरको टोलीले भिसा कार्डको एउटा स्विच ह्याक गरेर करिब दुई करोड रकम निकाल्ने ५ चिनियाँ र एकजना फ्रान्सेली नागरिकलाई पक्राउ गरेका अनुसन्धान गरिरहेको छ। परिसरको विशेष टोलीले शनिबार राति नियन्त्रणमा लिएका पाँच जना चिनियाँ नागरिकसँग चीनको राहदानी फेला परेको छ।

विमानस्थलबाट पक्राउ परेका नागरिकसँग फ्रान्सको राहदानी फेला परेको छ। प्रहरी खोजीमा रहेका अन्य दुईको विवरण प्रहरीले गोप्य राखेको छ।डीएसपी बोगटीले फरार रहेका दुई जना समेत चीनकै राहदानी वाहक भएको बताए।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…
  • गण्डकी सरकारको ३२ अर्ब ९७ करोड बराबरको बजेट सार्वजनिक

    आदर्श समाज सम्वाददाता असार २, २०८१
    पोखरा । गण्डकी प्रदेश सरकारले आगामी आव २०८१/८२ का लागि ३२ अर्ब ९७ करोड ८५ लाख ७५ हजार बराबरको बजेट…

hero news full width