पोखरा, १४ भदौ । कलम वचत तथा ऋण सहकारी सस्थांको दशौ वार्षिक उत्सवको अवसरमा आयोजित रक्तदान कार्यक्रमका ६३ युनिट रगत संकलन भएको छ । नेपाल पुस्तक तथा स्टेशनरी व्यवसायी महासंघ कास्की र कलम सहकारीको संयुत्त आयोजनामा रक्तदान कार्यक्रममा सम्पन्न भएको हो ।

रक्तदान कार्यक्रमका प्रमुख अतिथि भूमि व्यवस्था तथा सहकारी मन्त्रालयका रजिष्टार वद्रीनाथ अधिकारीले पहिलो रक्तदाता सहकारीका व्यवस्थापक सन्तोष लामिछाने र शेयर सदस्य जीतबहादुर कुँवरलाई ब्लडव्याग हस्तान्तरण गरी शुभारम्भ गरेका थिए ।

कलम वचत तथा ऋण सहकारी संस्थाका अध्यक्ष ऋषिराम शर्मा भण्डारीको सभापतित्वमा सम्पन्न उक्त कार्यक्रममा स्वागत मन्तव्य संस्थाका उपाध्यक्ष अर्जुन प्रसाद पोखरेलले गरेका थिए ।

नेपाल पुस्तक तथा स्टेशनरी ब्यवसायी महांसघ कास्कीका अध्यक्ष मोहन प्रसाद सापकोटा नेपाल पुस्तक तथा स्टेशनरी ब्यवसायी महांसघका केन्द्रीय सदस्य शिवराज वास्तोला सेयर सदस्य गुप्तप्रसाद शर्मा लगाएतले रगतदान गर्ने सवैमा धन्यवाद प्रकट गरेका थिए । कार्यक्रम सन्चालन नेपाल पुस्तक तथा स्टेशनरी ब्यवसायी महांसघ कास्कीका सचिव गोविन्द गौतमले गरेका थिए ।