पोखरा, १० भदौ । जागृति बाल तथा युवा सरोकार नेपालको आयोजनामा गण्डकी प्रदेशस्तरीय बालिका अधिकार सम्बन्धी पैरबी तालिम मंगलबार सम्पन्न भएको छ ।

पोखरामा आइतबारदेखि तीन दिनसम्म संचालित तालिममा गण्डकी प्रदेशमा बालिकाको क्षेत्रका कार्यरत ५२ जनाको उपस्थिति रहेको थियो । ९ जिल्लाका प्रतिनिपधहरुको विभिन्न १७ वटा संघ संस्थाका प्रतिनिधीहरुको सहभागिता रहेको यो तालिमको सहजीकरण बाल अधिकारकर्मी मिलन धरेल र दीपक बस्यालले गरेका थिए ।

तालिममा बालिका अधिकारको संरक्षण, बालिकामाथि हुने असमानता, बाल विवाह, यौन हिंसा, दुव्र्यवहार आदिको रोकथामका लागि स्थानीय तथा प्रदेश तहमा गर्नुपर्ने समन्वय र सहकार्यको बारेमा विभिन्न तरिकाहरुको बारेमा सहभागीलाई सिकाइएको प्रमुख प्रशिक्षक मिलन धरेलले जानकारी दिए ।

तालिमको समापन कार्यक्रममा बोल्दै संस्थाका अध्यक्ष तिलोत्तम पौडेलले बालिकाहरुको सवालमा बहस तथा पैरबी गर्ने कार्यमा संस्थागत रुपमा लाग्नुपर्ने बताए । तालिमको समापन कार्यक्रममा सहभागीका तर्फबाट केशव पौडेल, शारदा शर्मा, सुरेन्द्र परियार, प्रताप बानियाँ र निशा सुनारले आफ्नो अनुभव बाँडेका थिए ।

क्यानलानको सहयोगमा सञ्चालित तालिमको समापन कार्यक्रम संस्थाको अध्यक्ष तिलोत्तम पौडेलको अध्यक्षता तथा प्रदेश संयोजक प्रतीक्षा गैह्रेको सञ्चालनमा सम्पन्न भएको थियो ।