पोखरा, ९ भदौ । पद्यश्री बचत तथा ऋण सहकारी पोखरा ९, न्युरोडको १२ औं साधारणसभा तथा सातौं अधिवेशनले सर्वसम्मत नयाँ सञ्चालक समिति चुनेको छ । समितिको अध्यक्षमा इन्दिरा कोइराला, उपाध्यक्ष सुजा बास्तोला, सचिव देवेन्द्र पालिखे र कोषाध्यक्ष उर्मिला बस्नेत छन् ।
४ वर्षे कार्यकालका लागि नवनिर्वाचित सदस्यहरुमा विजया बास्तोला, ईश्वरी कोइराला र झलक अधिकारी छन् । यस्तै, लेखा सुपरीवेक्षण समिति संयोजक गणेश कोइराला र सदस्यद्वयमा यशोदा बास्तोला र लक्ष्मी कुँवर छन् ।
सहकारीको ऋण लगानी उपसमिति संयोजक उर्मिला बस्नेत, सदस्यमा सविता शर्मा र सरिता पौडेल पराजुली चुनिए । शिक्षा उपसमितिमा मीलन केसी र जुना श्रेष्ठ छन् ।
साधारणसभाले अध्यक्ष, सचिव, कोषाध्यक्ष र लेखा समिति र लेखा परीक्षण प्रतिवेदन पारित गरेको छ । पद्यश्रीको सेयर पुँजी २ करोड ७ लाख, बचत १ करोड ५७ लाख १८ हजार ४ सय ९, ऋण लगानी ३ करोड ४१ लाख ७६ हजार ५ सय छन् । यसका २ सय २२ सेयर सदस्यमध्ये महिला १ सय ९० र पुरुष ३२ छन् ।
साधारणसभामा सहकारीका संरक्षक कपिलनाथ कोइरालाले समसामयिक नीति निर्माण गरी मर्जरमा जाने वा सामसामयिक ढंगबाट उचालने उपयुक्त निर्णय लिन आग्रह गरे ।
सहकारीलाई सरकारले अर्थतन्त्रको तेस्रो खम्बा मानेकाले सोही अनुरुपको दायित्व निर्वाह गर्न सहकारी क्षेत्र तयार र क्रियाशील रहनुपर्ने उनको भनाइ छ । अर्का संरक्षक श्यामकुमार शर्माले पुँजी वृद्धि गरी संस्थाको आकार बढाउन सुझाव दिए । उत्पादनशील क्षेत्रमा लगानी र सेयर सदस्यको आर्थिक समृद्धिका लागि विशेष खालका योजना ल्याउन उनले आग्रह गरे ।
संस्थाका अध्यक्ष सावित्री शर्माको अध्यक्षतामा भएको कार्यक्रम सञ्चालन सचिव इन्दिरा कोइराला र स्वागत उपाध्यक्ष सुजा बास्तोलाले गरेका थिए । सो अवसरमा हरितालिका तीजको शुभकामना आदानप्रदानसमेत गरिएको थियो ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१