पोखरा, ७ भदौ । भानुभक्त आवासीय मावि (स्कूल अफ ल) पोखरा–१ सिम्पानीले कक्षा ११ मा कानुन अध्ययनरत प्रथम व्याचका विद्यार्थीलाई स्वागत गरेको छ ।
गण्डकी प्रदेशमै प्रथम पटक कानून संकायका कक्षा सञ्चालन गरेको विद्यालयले बिहानी सत्रका ४४ जना र विद्यार्थी उमेरमा आफ्नो अध्ययनलाई निरन्तरता दिन नपाउनु भएका तर विशिष्ट सामाजिक र राजनीतिक पहिचान बनाइ सकेका व्यक्तिहरू लक्षित सन्ध्या कालिन सत्रका कानून अध्ययनरत १७ जना विद्यार्थीलाई स्वागत गरेको हो ।
विशिष्ट सामाजिक र राजनीतिक पहिचान बनाई सकेको भएतापनि कानूनी शिक्षाको आवश्यकता महसुस गरी आफ्नो अध्ययनलाई अगाडि बढाउन चाहनेलाई सम्बोधन गर्न तथा त्यस्तै अन्य व्यक्तिलाई समेत औपचारिक शिक्षा हासिल गर्न प्रोत्साहन गर्ने उदेश्य सहित सन्ध्या कालिन कक्षा सञ्चालन गरिएको हो ।
विद्यालय व्यवस्थापन समितिका अध्यक्ष मोहन दवाडीको सभापतित्वमा सम्पन्न कार्यक्रममा विद्यालयका संस्थापक प्रिन्सिपल दिनेश कुमार लामिछाने प्रमुख अतिथि र शिक्षक अभिभावक संघका अध्यक्ष चन्द्रराज श्रेष्ठ अतिथिको रुपमा रहेका थिए ।
कार्यक्रममा कानुन संकायका संयोजक प्रदीप अधिकारीले भने –व्यक्तिको व्यक्तित्व योग्यता र क्षमताको समष्टिगत रूप हो, औपचारिक शिक्षाले व्यक्तिलाई योग्यता प्रदान गर्छ भने जीवनका भोगाई र अनुभवले क्षमता प्रदान र अभिवृद्धि गर्छन्, यी दुई मध्य कुनै एक तत्वको अभावमा व्यक्तिको व्यक्तित्व अपूर्ण रहन्छ ।
अधिकारीले हाल सन्ध्या कालिन सत्रमा अध्ययनरत सामाजिक राजनीतिक रुपमा परिचित व्यक्तिहरूले सामाजिक राजनीतिक जीवनमार्फत क्षमता आर्जन गरेका तर औपचारिक शिक्षा मार्फत योग्यता आर्जन गर्न बाँकी रहेको महसुस गरी पुन आफ्नो औपचारिक अध्ययनलाई निरन्तरता दिनु भनेको आफ्नो पूर्ण व्यक्तित्व खोजी गर्नु हो र यो प्रशंसनीय रहेको उल्लेख गर्दै सम्पूर्ण विद्यार्थीको उज्ज्वल भविष्यको कामना सहित स्वागत गरेका थिए ।
कानुनी शिक्षाको आवश्यकता हरेक क्षेत्रमा रहेको महसुस गरी आफू पनि पढ्न लागेको गण्डकी प्रदेश सांसद तथा विद्यालयको सन्ध्या कालिन सत्र कि छात्रा माननीय मधुमाया अधिकारीले मन्तव्यका क्रममा बताइन् ।
विद्यालयका संस्थापक प्रिन्सिपल दिनेश कुमार लामिछानेले कक्षा ११ मा अध्ययनरत विद्यार्थी र शिक्षाको महत्त्व बुझेर अध्ययन गर्न आएका अग्रज व्यक्तिहरूले विद्यालय वा उच्च शिक्षा छोड्ेका व्यक्तिलाई हौसला प्रदान गरिदिएका छन् । कक्षा ११ का विद्यार्थी सुमित विकले गीत, बिपना रानाभाटले कविता वाचन, औषत पौडेल र सुप्रीया श्रेष्ठले नव आगन्तुक विद्यार्थीको तर्फबाट आफ्नो भनाई राख्ने क्रममा आफू यस विद्यालयमा पढ्न पाउँदा सार्है खुसी लागेको बताए ।
Related News
सम्बन्धित समाचार
अमरसिंहमा छात्रवृत्ति वितरण
गण्डकी बोर्डिङलाई अन्तर्राष्ट्रियस्तरको बनाउने प्रण
जानकीका विद्यार्थीलाई पोखरा ग्राण्डको साथ
प्रतिभा माविको विद्यार्थी स्वागत
सञ्चारमाध्यममा ३३ प्रतिशत पत्रकार महिलाको सहभागितामा जोड
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१