म्याग्दी,७ भदौ । म्याग्दीको मालिका गाउँपालिकाका अभिभावक विहिन तथा विपन्न परिवारका विद्यार्थीलाई आर्थिक सहयोग प्रदान गरिएको छ ।
गण्डकी प्रदेश सरकारको सामाजिक विकास मन्त्रालयको आर्थिक सहयोग तथा मालिका गाउँपालिकाको व्यवस्थापनमा अभिभावक विहिन तथा विपन्न परिवारका विद्यार्थीहरुलाई सो सहयोग प्रदान गरिएको हो ।
गाउँपालिका भित्रका विद्यालयमा अध्ययनरत अभिभावक विहिन तथा विपन्न परिवारका १ सय ३८ विद्यार्थीलाई प्रति विद्यार्थी ६ हजार रुपैयाँका दरले वितरण गर्ने गाउँपालिका शिक्षा संयोजक तेजप्रसाद लामिछानेले जानकारी दिए ।
सोही कार्यक्रम अन्तर्गत शुक्रबार मालिका गाउँपालिका ५ देविस्थान स्थित भिम माविमा अध्ययनरत अभिभावक विहिन र विपन्न परिवारका ७ जना विद्यार्थीलाई आर्थिक सहयोग प्रदान गरिएको छ ।
विद्यालयमा अध्ययनरत अभिभावक विहिन तथा विपन्न परिवारका ७ जना विद्यार्थीलाई ६ हजारका दरले ४२ हजार रुपैयाँ सहयोग वितरण गरिएको हो । कार्यंक्रममा गाउँपालिका शिक्षा संयोजक तेजप्रसाद लामिछानेले र शिक्षक अभिभावक संघकी अध्यक्ष रेखा पुर्जाले सहयोग हस्तान्तरण गरेका हुन् ।
शिक्षा संयोजक लामिछानेले अभिभावक विहिन तथा विपन्न परिवारका विद्यार्थीको शैक्षिक क्षेत्रमा आर्थिक सहयोग पु¥याउने उद्धेश्यले आर्थिक सहयोग वितरण गरिएको बताए ।
मन्त्रालयको निति तथा मापदण्ड अनुसार गाउँपालिका भित्रका अभिभावक विहिन तथा विपन्न परिवारका विद्यार्थीहरु छनोट गरी आर्थिक सहयोग वितरण गरीएको संयोजक लामिछानेले जानकारी दिए । शिक्षक अभिभावक संघकी अध्यक्ष रेखा पुर्जाको अध्यक्षता ,शिक्षक यामनाथ पौडेलको स्वागत र शिक्षक नरबहादुर विश्वकर्माको संचालनमा कार्यक्रम सम्पन्न भएको थियो ।
मालिका गाउँपालिकाका २९ विद्यालयमा अध्ययनरत १ सय ३८ जना अभिभावक विहिन र विपन्न विद्यार्थीलाई ६ हजारका दरले १० लाख ८० हजार रुपैयाँ वितरण गरिने शिक्षा संयोजक लामिछानेको भजाई छ ।
Related News
सम्बन्धित समाचार
अमरसिंहमा छात्रवृत्ति वितरण
गण्डकी बोर्डिङलाई अन्तर्राष्ट्रियस्तरको बनाउने प्रण
जानकीका विद्यार्थीलाई पोखरा ग्राण्डको साथ
प्रतिभा माविको विद्यार्थी स्वागत
सञ्चारमाध्यममा ३३ प्रतिशत पत्रकार महिलाको सहभागितामा जोड
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१