काठमाण्डौ, ३२ साउन । फिल्म रिलिज अगावै सर्वाधिक चर्चामा रहेको नाम हो, क्रिस्टिना गुरुङ । उनले डेब्यू गर्न लागेको फिल्म ‘प्रेमगीत ३’ दशैंपछि छायांकनमा जाँदैछ । तर, केही समययता फिल्म क्षेत्रमा उनको चर्चा कुनै डिमान्डेड अभिनेत्रीको भन्दा कम छैन ।
चर्चित सिरिजसँग जोडिनुको फाइदा हो यो । फिल्ममा उनको अभिनय नै नहेर्दै राम्रो सम्भावना बोकेको अभिनेत्रीको रुपमा हेर्न थालिएको छ । यसले उनीमाथि ठूलो चुनौतीको भार थपिएको छ ।
यस फिल्ममा उनले अहिलेका चल्तीका अभिनेता प्रदीप खड्कासँग रोमान्स गर्दैछिन् । ‘प्रेमगीत’ को पहिलो पार्टमा प्रदीपले अभिनेत्री पूजा शर्मासँग रोमान्स गरेका थिए । यो फिल्मले दुबैको भाग्य बदलेको थियो । दोस्रो श्रृंखलामा अभिनेत्री अश्लेषा ठकुरी ‘गीत’ बनेकी थिइन् । उनको भने खासै चर्चा भएन । अहिले उनी गुमनाम जस्तै छिन् । हातमा फिल्म छैन ।
क्रिस्टिनाको फिल्मी करिअर पूजा वा अश्लेषामध्ये कसको जस्तो हुनेछ त्यसको निर्धारण ‘प्रेमगीत ३’ को नतिजाले गर्नेछ । अभिनय र फिल्मको बक्सअफिस दुबै राम्रो भएको खण्डमा उनको करिअर उत्कर्षमा पुग्नेमा सन्देह छैन । फिल्मको व्यापार अपेक्षाकृत भएन तर अभिनय रुचाइयो भने पनि उनलाई फिल्ममा टिक्न गाह्रो पर्दैन । त्यसैले उनले डेब्यू फिल्ममा आफ्नो अभिनय क्षमता प्रस्तुत गर्न आवश्यक छ । यसमा कति सफल हुनेछिन् ? हेर्न बाँकी छ ।
‘प्रेमगीत ३’ मा उनी सुटुक्क भित्रिएकी होइनन् । निर्माण कम्पनी आसुसेन फिल्मस्ले ‘गीत’ क्यारेक्टरका लागि अडिसन आह्वान गरेको थियो, जसमा २७ सय बढी युवतीले आवेदन दिएका थिए । ती मध्ये २५ युवती सर्ट लिस्टमा परे, जसमा क्रिस्टिना पनि अटाएकी थिइन् । अन्ततः उनी नै ‘गीत’ क्यारेक्टरका लागि योग्य ठहरिन् । फिल्ममा आबद्ध भएसँगै उनी सामाजिक सञ्जालमा सर्वाधिक खोजिइन् । उनका तश्विरहरु एकाएक भाइरल भए ।
‘प्रेमगीत ३’ मा अनुबन्ध भएपछि सामाजिक सञ्जालमा उनलाई पछ्याउनेहरु हजारौंको संख्यामा छन् । उनकोे सुन्दरताले धेरैलाई लोभ्याएको छ । प्रायः ले उनको आँखा मन पराएका छन् । मुस्कानका प्रशंसक पनि धेरै छन् । अब उनले अभिनयको माध्यमबाट दर्शकको मन कुन हदसम्म जित्न सक्नेछिन्। त्यो महत्त्वपूर्ण पक्ष हो । सन्तोष सेन र छेतेन गुरुङले निर्देशन गर्ने फिल्म आउँदो चैत २८ मा प्रदर्शनमा आउने फाइनल भइसकेको छ ।
Related News
सम्बन्धित समाचार
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
hero news full width
मुख्य समाचार
पोखरा देशभरकै प्रदूषित सहर
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१