पोखराका विभिन्न ठाउँमा आज दिवंगत व्यक्तिहरुको सम्झनामा गाईजात्रा निकालिएको छ । नेवारी समुदायले गत वर्षको गाईजात्रा पछि दिवंगत भएका आफ्ना आफन्तको सम्झना तथा उनीहरुको आत्माको शान्तिको कामना गर्दै यो वर्ष गाईजात्रा निकालेका हुन् । परापूर्वकालमा छोराको मृत्यु पश्चात गहिरो शोकमा परेकी आफ्नी रानीलाई सबैको मृत्यु एक दिन निश्चित छ भन्ने देखाउन राजा प्रताप मल्ले गाईजात्रा देखाउन लगाएको इतिहास छ ।

नेवारी बस्तीहरु भएका ठाउँहरु काठमाण्डू, पोखरा, पाल्पा लगायतका जिल्लाहरुमा गाईजात्रा निकाल्ने गरिन्छ । गाईजात्राकै अवसरमा आज पोखराका विद्यालयहरुमा विद्यालयले बिदा दिएको छ भने काठमाण्डू उपत्यकामा भने सार्वजनिक बिदा दिइएको छ । पोखराको न्यूरोडमा कैद गरिएका गाईजात्राका  थप तस्बिरहरु :

फाेटाे : सुरज हजारे दाहाल