न्यूरोडको एस मिनी मार्केटमा भीषण आगलागी

आदर्श समाज सम्वाददाता
श्रावण २८, २०७६
67820658_2673033556043036_8261919499993743360_n

पोखरा, २८ साउन । पोखरा मूख्य बजार न्यूरोड स्थित एस मिनी मार्केटमा मंगलवार दिउसो आगलागी हुँदा आधा दर्जन पसल जलेर नष्ट भएका छन् ।

आगलागीमा मानवीय क्षेति भने हुन पाएको छैन । आगलागीबाट करिव पाँच करोड रुपैयाँ बराबरको क्षति भएको हुनसक्ने प्रहरीको प्रारम्भिक अनुमान छ । विद्युत लाइन सर्टभई  शुभ युनिक होम डेकोरबाट आगो सल्केको प्रहरीले जनाएको छ ।

महेन्द्रपुल निवासी अनुज बास्तोलाको जग्गा भाडामा लिएर पोखराका व्यापारी यदु अधिकारी र अर्जुन पोखरेलले जस्ता पाताले छाएर भुईतले एस मिनी मार्केट संचालनमा ल्याई विभिन्न व्यक्तिलाई भाडामा लगाउदै आएका हुन्।

दिउसो ४.१० वजे लागेको आयो नियन्त्रणमा आउन डेढ घण्टा लागेको थियो । जिल्ला प्रहरी कार्यालय कास्कीका प्रहरी नायव उपरीक्षक राजकुमार केसीले पोखरा महानगरपालिकाका चार वटा दमकल र विभिन्न पानी कम्पनीका ट्याङ्करको सहयोगमा नेपाल प्रहरी, सशस्त्र, र नेपाली सेनाले आगो नियन्त्रणमा लिएको हो ।

उक्त एस मिनी मार्केटमा फोम हाउस, चश्मा पसल, जुस हाउस, कुर्ता पसल, ध्रुब वर्कसप, रेष्टुरेण्ट लगायतका पसल जलेरनष्ट भएका छन् ।
स्थानीयवासी किशोर ओझाले आगलागी भएको आधा घण्टापछि मात्र दमकल आउँदा पसलहरुमा वढी क्षति भएको छ । मुख्य बजारमै आगजनी हुँदा वरपर रहेका पसल शिवशक्ति फर्निचर, नवदुर्गा फर्निचर, भाटभटेनी सुपर कार्केट, सिटिजन बैंक समेत त्रसित बनेका थिए । आगो सर्नसक्ने डरले छिमेकी पसल शिवशक्तिका सम्पूर्ण फर्निचरका सामाग्री सडकमा निकालेर राखिएको थियो ।

मुख्य बजारमै आगलागी हुँदा यस क्षेत्रका वासिन्दामा त्रास फैलिएको थियो । नजिकै रहेको पद्म नरसिंह होमका उपचार गरिरहेका विरामीको समेत भाडदौड मच्चिएको छ । एक वर्ष अघि पोखराको सिद्धार्थ चोक स्थित उज्यालो मार्केटमा समेत आगजनी हुदाँ करोडौ रुपैयाँको क्षति भएको थियो ।

Related News

सम्बन्धित समाचार

  • दलित महिलाको सशक्तीकरण जरूरी : प्रदेश प्रमुख भट्ट

    आदर्श समाज सम्वाददाता असार ६, २०८१
    पोखरा । गण्डकी प्रदेश प्रमुख डिल्लीराज भट्टले विभेदको दोहोरो शोषणमा परेका दलित महिलाको सशक्तिकरण जरूरी रहेको बताएका छन् । दलित…
  • प्राइम सहकारी ठगीमा थुनछेक बहस सुरु

    विजय नेपाल असार ६, २०८१
    पोखरा । डेढ अर्बभन्दा बढी रकम अपचलन भएको प्राइम बहुउद्देश्यीय सहकारी संस्था ठगी मुद्दामा बहस सुरु भएको छ । नेपाल…
  • मनाइयो पहिलो दिनको बकर इद

    आदर्श समाज सम्वाददाता असार ४, २०८१
    पोखरा । मुस्लिम धर्मावलम्बीको दोस्रो महान पर्व बकर इद (इदुल जोहा) सोमबार देशभरका मस्जिदमा नमाज पाठ गरी हर्षोल्लासपूर्वक मनाइएको छ…
  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…

hero news full width