चिमखोलावासीले बनाए नमूना पदमार्ग

आदर्श समाज सम्वाददाता
श्रावण २६, २०७६
DSC_0440 (1)

म्याग्दी,२४ साउन । म्याग्दीको दुर्गम चिमखोलामा स्थानीयवासीहरुले चन्दा सहयोग जुटाएर गाउँमा नमूना  पदमार्ग निर्माण गरेका छन् ।

रघुगंगा गाउँपालिका–७ चिमखोला गाउँको शीरमा रहेको मण्डली थानमा जानको लागि गाउँलेहरुले चन्दा सहयोग जुटाएर नमुना पदमार्ग, थानको संरक्षणको लागि घेराबार लगायतका पूर्वाधार निर्माण गरेका हुन् ।स्वदेश तथा विदेशमा रहेका चिमखोलाबासीहरुको अगुवाईमा आर्थिक संकलन गरेर गाउँ देखि मण्डली थान सम्म पुग्न ३ सय मिटर पदमार्ग निर्माण गरेका छन् ।

कुदेका ढुङ्गालाई चिटिक्क मिलाएर राखिएको छ । पदमार्ग बनाउनका लागि गाउँलेहरुले जंगलबाट ढुङ्गा बोकेर ल्याएका हुन । पदमार्ग निर्माणका लागि १० लाख ९७ हजार रुपैयाँ खर्च भएको निर्माण समितिका अध्यक्ष प्रेमबहादुर पुनले बताए ।

‘गाउँवरपर सिढी चिन्ने ढुंगा पाउन सकिएन, गाउँदेखि तीन घण्टा टाढाको जंगलमा ढुंगा फोरेर ल्याएका हौं , निर्माण भएको पदमार्गमा रेलिङ हालेर थप व्यवस्थित बनाइएको छ’, निर्माण समितिका अध्यक्ष पुनले भने । गाउँदेखि मण्डली थान जाने साँघुरो बाटोमा ढुंगा चिनेर फराकिलो पदमार्ग निर्माण भएपछि भक्तजन र पर्यटकहरुलाई आवत जावतमा सहजता मिलेको छ ।

मण्डली थानमा पूर्वाधार निर्माणको लागि चिमखोलाबासी संगै अन्य सहयोगदाताहरुले समेत आर्थिक सहयोग गरेका छन् । पूर्वाधार निर्माणको लागि २९ लाख रुपैयाँ बढी रकम संकलन भैसकेको मण्डली थान संरक्षण समितिका अध्यक्ष यामबहादुर रोकाले बताए । उनका अनुसार, थानमा आएर पुजा गरेका व्यक्तिहरुबाट स्वतस्र्फुत रुपमा पूर्वाधार निर्माणको लागि सहयोग आउने क्रम जारी छ ।

‘हामीले थानमा जाने पदमार्ग बनाउने योजना मात्रै बनाएका थियौँ, सहयोग गर्नेहरुको संख्या सोचेभन्दा राम्रोसंग बढ्यो, अब बाँकी रहेको बजेटबाट खानेपानी, प्रवेशद्धार , विजुलीको सुविधा पु¥याउने लगायतका थप पूर्वाधार निर्माण गछौँ’,अध्यक्ष रोकाल भने । मण्डली थानलाई धार्मिक पर्यटकीय स्थलको रुपमा विकास गर्न स्थानीय अग्रसर भएका छन् ।

थानको संरक्षण र पर्यटन पूर्वाधार निर्माणमा गाउँपालिकाले समेत सघाउन थालेको छ । चालु आर्थिक बर्षमा वडाको सिफारिसमा गाउँपालिका मार्फत विनियोजन भएको ८ लाख ५० हजार रुपैयाँ बजेट मार्फत मण्डली थानमा घेराबार समेत गरिएको वडा अध्यक्ष देउप्रसाद पुनले जानकारी दिए । उनले वडामा रहेका धार्मिक पर्यटकीय स्थलको संरक्षण ,प्रवद्र्धन तथा प्रचारप्रसार गर्न गाउँपालिकाले योजना बनाएको बताए ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • गण्डकीको बजेट ३३ अर्ब

    प्रकाश ढकाल असार ३, २०८१
    पोखरा । गण्डकी सरकारले आगामी आर्थिक वर्ष २०८१/८२ का लागि करिब ३३ अर्बको बजेट सार्वजनिक गरेको छ । अर्थमन्त्री डा.…
  • गण्डकी सरकारको ३२ अर्ब ९७ करोड बराबरको बजेट सार्वजनिक

    आदर्श समाज सम्वाददाता असार २, २०८१
    पोखरा । गण्डकी प्रदेश सरकारले आगामी आव २०८१/८२ का लागि ३२ अर्ब ९७ करोड ८५ लाख ७५ हजार बराबरको बजेट…

hero news full width