पोखरा, २५ साउन । उच्च अदालत वार एशोशिएसन पोखराले जिल्ला कारागार कार्यालय कास्की भित्र रहेका थुनुवा तथा कैदीहरुलाई कानूनी परामर्श दिएको छ ।

कैदी–बन्दीका समस्या बुझ्न र परिवर्तित कानूनको वारेमा कानूनी परामर्श गर्ने उद्देश्यले कारागार कार्यालय कास्कीमा एक दिने कानूनी परामर्श दिइएको हो । कास्की कारागारका ३५० जना थुनुवा तथा कैदीहरुलाई उक्त परामर्श दियएको हो ।

उनीहरुका गुनासामा अदालतबाट आउनु पर्ने कागजातहरु मौकामा पाउन कठिन भएको, कैद हदका बारेमा एकरुपता नभएको, माफी मिनाहाका बिषय, मुद्दा फैसला ढिलो हुने बिषय,कानून ब्यबसायीहरुसँग आफुले चाहेको बखत भेटघाट गर्न नपाउने, निर्दोष मानिसलाई अभियोग लागेको र सही अनुसन्धान नभएर अभियोगपत्र जादा बेकसुुरदारले सजाय भोग्नु परेको बिषय लगायतका समस्या राखेका थिए ।

उक्त कार्यक्रमको सहजीकरण उच्च अदालत वार एशोसिएशन पोखराका अध्यक्ष एबं अधिबक्ता रोहितराज बास्तोला, वारका उपाध्यक्ष अधिबक्ता उत्तम केसी, कानूनी सहायता समितिका संयोजक अधिबक्ता रघुनाथ अधिकारीले गरेका थिए ।

उच्च अदालत बार एशोसिएसनका अध्यक्ष रोहित राज बास्तोलाको अध्यक्षतामा सम्पन्न उक्त कार्यक्रममा उपाध्यक्षले कार्यक्रमको उद्देश्य माथिप्रकाश पारेका थिए । वारका सहसचिब मिना कुमारी रानाभाटले सन्चालन गरेको सो कार्यक्रममा स्वागत बि ब्लकका नाइके कुमार गुरुङ लक्षुले गरेका थिए ।