अदालतद्धारा घरधनीहरुको पक्षमा फैसला

आदर्श समाज सम्वाददाता
श्रावण २३, २०७६
sadak

बुटवल २३ साउन । बुटवलको राजमार्ग चौराहदेखि गोलपार्क चिडियाखोला सडक बिस्तारको काम तत्काल अगाडी नबढ्ने भएको छ ।

बुटवल–बेलहीया व्यापारिक मार्ग सडक बिस्तार आयोजना बिरुद्ध परेको तत्काल घर नभत्काउन माग गर्दै परेको रिट निवेदनप्रति बुधबार अन्तिम सुनुवाई गर्दै उच्च अदालत तुल्सीपूर बुटवल इजलासले घरधनीहरुले माग गरेको अन्तरिम आदेश बमोजिम घरधनीहरुको पक्षमा निर्णय गरेको हो ।अदालतको आदेशसँगै बुटवल बेलहीया सडक बिस्तार आयोजनाको काम तत्कालका लागि अगाडि नबढ्ने भएको छ ।

उच्च अदालत तुल्सीपूर बुटवल इजलासमा सिद्धार्थ राजमार्ग अन्तर्गत पर्ने बुटवलको राजमार्ग चौराहदेखि गोलपार्क सडक किनाराका घर धनीहरुले तत्काल घर भत्काउने कार्य रोक्न अन्तरिम आदेशको माग गर्दै बुटवल–बेलहीया व्यापारीक मार्ग बिस्तार आयोजना बिरुद्ध परेको रिट निवेदन उपर बुधबार सुनुवाई भएको हो ।

उक्त रिटमाथी उच्च अदालत तुल्सीपूर बुटवल इजलासका मुख्य न्यायधीश अदालतका न्यायधीश शेषनाथ सिवाकोटी र दयानाथ खरेलको इजालसले मुआब्जाकालागि परेका निवेदन अधिकार प्राप्त निकाय जिल्ला प्रसासन कार्यालय रुपन्देहीमा पेश गरी व्यक्तिको स्वामित्व र क्षतिपुर्ती सम्बन्धमा कानून सम्मत न्यायोचित निर्णय गरी आवश्यक निकासा नभएसम्मका लागि यस्तो फैसाला गरेको हो । जसमा त्यतिवेला सम्म निवेदकहरुको घर भत्काउन र घरले चर्चेको जग्गा नियन्त्रणमा लिने काम कार्वाही नगर्न नगराउन बिपक्षीका नाउमा निषेधाज्ञा जारी हुने ठहर गरेको हो ।

बुटवल–बेलहीया व्यापारीक मार्ग बिस्तार आयोजनाले सडक सिमा भित्र पर्ने घर टहराहरु भत्काउन सूचना जारी गरेपछि सिद्धार्थ राजमार्ग अन्तर्गत पर्ने बुटवलको राजमार्ग चौराहदेखि गोलपार्क सडक किनाराका घर धनीहरुले तत्काल घर भत्काउने कार्य रोक्न अन्तरिम आदेशको माग गर्दै अदालत गएका थिए । सडक विस्तारबाट प्रभावितमध्ये नारायणीदेवी प्रधान, चोपनारायण श्रेष्ठसहित ३८ जनाले उच्च अदालत तुलसीपुर बुटवल इजलासमा सडक कार्यालयले कानूनी प्रक्रिया पुरा नगरी घर भत्काउन लागेको भन्दै रिट दायर गरेका थिए।बुटवल वेलहिया सडक विस्तार आयोजनाका प्रमुख जिवेन्द्र मिक्षले अदालततको आदेश आफुहरुले सम्मान गर्ने बताए ।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • सेती नदी संरक्षणका लागि प्रधानमन्त्रीको ध्यानाकर्षण

    आदर्श समाज सम्वाददाता असार ४, २०८१
    पोखरा । सेती नदी संरक्षण अभियानका पदाधिकारीहरूले प्रधानमन्त्री पुष्पकमल दाहाल ‘प्रचन्ड’ सेती नदी किनारको अहिलेको अवस्थाबारे ध्यानाकर्षण गराइएको छ ।…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • ४ हजार ५ सय २४ जनालाई तालिम

    आदर्श समाज सम्वाददाता असार ३, २०८१
    चितवन । भरतपुर महानगरपालिकाले आर्थिक वर्ष २०८०/८१ मा ४ हजार ५ सय २४ जनालाई निशुल्क तालिम दिएको छ । उत्पादनलाई…

hero news full width