काठमाण्डौ, २३ साउन । नेपाली फिल्म क्षेत्रमा केकी अधिकारी बौद्धिक अभिनेत्रीको रुपमा चिनिएकी छन् । उनको सुन्दरता, बौद्धिकता र अभिनय कलालाई दर्शकले निकै मन पराउँछन् । म्यूजिक भिडियो हुँदै फिल्ममा प्रवेश गरेकी उनले छोटो समयमा नै नेपाली फिल्ममा आफूलाई स्थापित गर्न सफल भइन् । जीवन्त अभिनयको माध्यमबाट दर्शकको मनमा विराजमान भइन् । तर, उनले आफ्नो साख जोगाइराख्न सकिनन् ।
अभिनयको पारंगत मानिने उनले संख्यात्मक अभिनयमा जोड दिँदा करिअर नै सम्हाल्न नसक्ने गरि भद्रगोल भएको छ । करिअरको उत्कर्षमा रहँदा केकीले फिल्म छनोटमा हेलचेक्राइ गरिन् जसको प्रतिफल अहिले उनले राम्रैसँग चुकाउनु परेको छ । न अहिले उनको स्टारडम जीवित छ न त डिमान्ड लोभलाग्दो छ । यद्यपि, सानातिना भए पनि उनको हातमा फिल्म टुटेका छैनन् । तर, ती फिल्म हलमा आएकोरगएकै पत्तो हुँदैन ।
फिल्म ुरातो गलबन्दी एक उदाहरण हो । यसमा केकी प्रमुख भूमिकामा छिन् । यो फिल्म गएको शुक्रबार प्रदर्शनमा आयो । तर, फिल्म हलमा लागेको र उत्रिएकै दर्शकलाई थाहा भएन । उक्त फिल्म हलमा एक शो पनि मुश्किलले चल्यो कि ? फिल्ममा केकीको अपोजिटमा अभिनेता कोशिश क्षत्री छन् । फिल्म कमजोर छ भन्ने जानेरै होला उनी प्रचारमै हिँडिनन् ।
फेसबुक लाइक्स, ट्विटर र इन्स्टाग्राममा फलोअर्स हेर्ने हो भने उनका लागि यो पारिश्रमिक निकै कम हो । तर, उनको मार्केट भ्यालुको आधारमा उक्त रकम धेरै ठूलो रहेको कतिपयको तर्क छ । ६ लाख लिएपछि उनले हलमा १२ देखि १५ लाखको दर्शक तान्न सक्नुपर्छ । तर, यस फिल्मले भित्तामा पोस्टर टाँस्नका लागि बनाएको माडको पैसा पनि उठाएन हम्मेहम्मे पर्ने देखिन्छ ।
यसरी नै पैसाका लागि फिल्म छनोटमा हेलचेक्राइ गर्दै जाने हो भने एकदिन केकी आफैं आफ्नो करिअर देखेर चुकचुकाउनु पर्ने अवस्था नआउला भन्न सकिन्न । उनी समयमै सम्हालिन आवश्यक छ । त्यसै त अभिनेत्रीको करिअर लामो हुँदैन भनिन्छ । यही शैली हो भने केकीको करिअर पनि हेर्दा हेर्दै डुब्नेमा शंका छैन । आशा गरौं, दशैंमा रिलिज हुने दीपकराज गिरी समुहको फिल्म छ माया छपक्कै ले उनको गुम्दै गएको साख फिर्ता गर्नेछ ।
Related News
सम्बन्धित समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
सिजी मोटर्सको नयाँ शोरुम पोखरामा, टिटी ग्लोबलले थाल्यो बिक्री
रानाभाट/भाटलाई छुट्टै जातिमा सूचीकृत गरिने
२८ वैशाखदेखि फिल्म ‘खजुरे ब्रो’
पोखरामा धुवाँको कालो मुस्लो फ्याक्ने ११ गाडी नियन्त्रण
hero news full width
मुख्य समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१