पोखरा, १९ साउन । पोखरा–१०, इन्द्रमार्ग स्थित कोल्मा बहाकोट तमु समाजको २६ औँ बार्षिक साधारण सभा एवं १२ औँ अधिवेशन सम्पन्न भएको छ ।

अधिवेशनका प्रमुख अतिथि गण्डकी प्रदेश सभा सदस्य मिनप्रसाद तमुले समाज दुःख र विपद्मा आवश्यक पर्ने हुँदा समाजले व्यक्तिगत स्वार्थभन्दा माथि उठेर काम गर्नुपर्ने धारणा राखे ।
समाजको १२ औँ अधिवेशनले कोल्मा बहाकोट तमु समाजको नयाँ कार्यसमितिको अध्यक्षमा सुवेदार भोजबहादर तमुलाई निर्विरोध निर्वाचित गरेको छ । नयाँ समितिको उपाध्यक्षमा सुवेदार लालबहादुर तमु, महासचिवमा पूर्णबहादुर तमु चयन भएका छन् ।

समाजको सचिवमा कमला तमु, कोषाध्यक्षमा प्रेमबहादुर तमु,महिला उपाध्यक्षमा लीला गुरुङ चयन भएका छन् ।महिला सह–कोषाध्यक्ष बाला तमु, क्वाटर मास्टरमा तुलाराम तमु र सहयोगीमा ताराप्रसाद तमु चयन भएका छन् ।

कोल्माबहाकोट तमु समाजका निर्वतमान अध्यक्ष पूर्णबहादुर तमुलाई समाजको उन्नतिर समाजिक उत्थानको लागि अतुलनीय योगदान पु¥याईएको बन्दै आजीवन सदस्य घोषणा गरेको छ । वि.सं. २०५० साल आषाढ २६ गते स्थापना भएको यस समाजले स्याङ्जाको पूर्वी पहाडी भेगमा अवस्थित कोल्मा, बहाकोट, ओरेष्टे,राङभाङ, र ठूला डिही, टक्सारबाट पोखरामा बसोबास गर्ने गुरुङ समुदाय, परिवारको लागि निरन्तर कार्य गर्दै आइरहेको छ ।

२६ औँ बार्षिक साधारण सभा कार्यक्रममा समाजका सचिव सुवेदार लालबहादुर तमुले समाजको बार्षिक प्रतिवेदन प्रस्तुत र समाजका कोषाध्यक्ष सुमे लीलबहादुर तमुले २०७५ आषाढ १ गतेदेखि २०७६ आषाढ मसान्तसम्मको आयव्यय प्रस्तुत गरेका थिए ।