राईनासकोट होमस्टे उत्कृष्ट

एजेन्सी
श्रावण १४, २०७६
rainaskot

पोखरा, १४ साउन । स्थापना देखि नै बिभिन्न सञ्चार माध्यम तथा पर्यटन निकायहरुबाट सद्भाव लिन सफल भएको लमजुङ्गको एतिहासिक राईनासकोटमा रहेको राईनासकोट सामुदायिक होमस्टे यो बर्षको नेपाल भरिकै उत्कृष्ट गाउँमा घोषित भएको छ ।

गाउँ पर्यटन प्रबद्धन मञ्च(भिटोफ) नेपालद्वारा घोषत वर्ष गन्तब्यमा परिसकेको राईनास यो वर्ष उत्कृष्ट पर्यटकीय गाउँ घोषित भएको हो । अमेरिकी नागरिक लतासाको सहयोगमा र्निमाण भएको १४ वटा घरमा होमस्टे सञ्चालन भएको हो । उत्कृष्ट दृश्याबलोकन तथा ऐतिहासिक स्थल भएका कारण मानिसहरु राईनासकोटमा भ्रमण गर्न थालेको हुन ।

वर्षेनी राईनास जाने पर्यटकको संख्या बृद्धि हुदै गएको छ । वर्ष गन्तब्यमा परेपछि झन पर्यटकको ध्यान राइनासमा आक्रसित भएको हो । त्यहाँको अतिथि सत्कार तथा होमस्टे वरिपरीको वातावरण, सांस्कृतिक प्रस्तुती पर्यटकले बढी मनपराउने होमस्टे सञ्चालक बिष्णु गुरुङ्गले जानकारी दिए । राईनासकोटको बारेमा पत्रकार बिक्रम न्यौपानेले र्निमाण गरेको भिडियो रिपोर्ट हालै मात्र ग्रामिण पर्यटन बिधामा पुरस्कृत भएको थियो । राईनासकोटमा अहिले भिडियो छायाँकन पनि बढ्न थालेको छ । राईनासबाट लमजुङ्ग,गोरखा, तनहँु तथा नारायणी नदि देख्न सकिन्छ भने चारै दिशामा हिमाल हेर्न सकिन्छ ।

यो बिधामा यस अघि लमजुङ्गकै काउलेपानी होमस्टे, कास्कीको कालाबाङ्ग, हेम्जाकोट पुरस्कृत भैसकेका छन । लमजुङ जिल्लाको पुरस्कृत हुने होमस्टेमा राईनासकोट दोस्रो हो । राईनासको लोकप्रियता भिटोफ लगायतका पर्यटन सस्थाहरुको भ्रमण तथा कोटमै गरिएको कार्यक्रमहरुले पनि बढाएको होमस्टे सञ्चालकहरु बताउछन । प्रचार प्रसारमा स्थान पाइरहने राईनासमा गण्डकी प्रदेश सरकारले पनि अनुदान दिएको छ भने संघीय सरकारले पनि यो वर्ष करिव एक करोड बजेट बिनियोन गरेको छ । शाहा बंशीय राजाहरुले राज्य गरको गढीको रुपमा राईनासकोटलाई चिनिन्छ ।

काठमान्डौमा हुने एक बिशेष समारोहकाबीच बुधबार राईनासकोट सामुदायिक होमस्टेलाई पुरस्कृत गरीने भिटोफ नेपालका केन्दीय अध्यक्ष ध्रुब सिंखडाले जानकारी दिए ।

Related News

सम्बन्धित समाचार

  • पर्यटकीय राजधानीपछि अब के ?

    आदर्श समाज सम्वाददाता जेठ ३०, २०८१
    पोखरा । पोखरालाई गत ४ चैतमा ‘पर्यटकीय राजधानी’ घोषणा गरियो । अब पोखरालाई अन्तर्राष्ट्रियस्तरसम्म चिनाउन र पर्यटकको आवागमन बढाउनुपर्ने चुनौती…
  • टेवान टोली विदेशतिर

    आदर्श समाज सम्वाददाता जेठ २९, २०८१
    पोखरा । पर्यटन व्यवसायी महिला संघ नेपाल (टेवान) टोली पोखराको पर्यटन प्रवद्र्धनको कार्यक्रम लिएर विदेशतर्फ लागेको छ । टेवान अध्यक्ष…
  • भिर मौरी र पदयात्रालाई पर्यटनसँग जोड्दै टाप गाउँ   

    वासुदेव पौडेल जेठ २७, २०८१
    गण्डकी ।  एकै ठाउँमा मिलेर बसेका ९४ वटा घर जसमध्ये ९० वटा गुरुङ समुदायका छन्भने बाँकी चार घर दलित समुदायका…
  • घट्न थाले अन्नपूर्ण पदमार्गमा पर्यटक

    आदर्श समाज सम्वाददाता जेठ २५, २०८१
    लमजुङ ।  पाँच जिल्ला जोडिएको पर्यटन क्षेत्रमा महत्वपूर्णमध्ये एक मानिने अन्नपूर्ण पदमार्गमा पछिल्लो समय पर्यटक घट्न थालेका छन् । यहाँ…
  • सराङकोटको विकासमा सघाउने प्रधानमन्त्रीको प्रतिबद्धता   

    आदर्श समाज सम्वाददाता जेठ २३, २०८१
    कास्की । प्रधानमन्त्री पुष्पकमल दाहाल ‘प्रचण्ड’ले पोखरा महानगरपालिका–१८ सराङकोटको विकासका निम्ति सहयोग गर्ने प्रतिबद्धता व्यक्त गर्नुभएको छ । सराङकोटका जनप्रतिनिधि,…

hero news full width