लेखनाथ साना सहरी खानेपानी उपभोक्ता संस्थाले पहाडी भेगका उपभोक्ताको हितलाई ध्यानमा राखी संचालनमा ल्याएको भूमिगत पानीको लिप्mटिङ प्रणाली सोमवार सफल परीक्षण गरिएको छ।

पोखरा २६, भवानी कालिका मावि परिसरमा निर्माण गरिएको बोरिङबाट पानी लिफ्टिङ गरी वडा २६, २७, २८ र ३१ का पहाडी भेकका उपभोक्तालाई खोनेपानी सुविधा दिने उद्देश्यले निर्माणाधीन योजना अन्तिम चरणमा पुगेकाले त्यसको परीक्षण गरिएको हो।

उपभोक्ता समितिका पदाधिकारी, राजनीतिक दलका प्रतिनिधि, कर्मचारी, निर्माण कम्पनी लगायत उपभोक्ताको उपस्थितिमा गरिएको परीक्षणमा प्रतिसेकेण्ड १० लिटरका दरले पानी तान्न सकिएको उपभोक्ता समिति अध्यक्ष विष्णुप्रसाद बरालले जानकारी दिए।

नेपाल सरकारको ७० प्रतिशत र उपभोक्ताको ३० प्रतिशतको लागतमा पहिलो चरणमा निर्माण गरिएको योजनाको कुल लागत २८ करोड हुनेछ। जसबाट सो क्षेत्रका करिव १ हजार ७ सय घरधुरीका ६ हजार उपभोक्ता लाभान्वित हुने छन्।

योजनाअन्तर्गत भवानी कालिका मावि परिसरबाट लिप्mटिङ गरिएको पानी विभिन्न तीन ठाँउबाटमा मोटर राखी वडा २६ को उच्च भाग नरसपुरको मूलटंकीमा जम्मा गरी अन्य ४ वटा टंकीबाट उपभोक्ताको घरघरमा धारा पुर्याइने छ।

आगामी असोजसम्ममा उपभोक्ताको घरमा पानी पुर्याउने लक्ष्य राखिएको उपभोक्ता समितिका सचिव मुरारी शर्माले जानकारी दिए।