पोखरा, १३ साउन । मुस्ताङको वारागुङ मुक्तिक्षेत्र गाउँपालिका–१ मुक्तिनाथ स्थित मुक्तिनाथ मन्दिर दर्शन गर्न गएका एक तीर्थयात्रीको सोमवार मृत्यु भएको छ ।

मुक्तिनाथ दशृन गर्न गएका भारत हैदराबाद निवासी ६३ वर्षीय प्रशन्न कुमार मन्दिर दर्शनगरी फर्कने क्रममा मुस्ताङको जोमसोम पुग्दा मुटु सम्वन्धी विरामीभई जिल्ला अस्पताल जोमसोममा उपचारगरी फर्कने क्रममा ढल्दा बेहोस बनेका थिए । बेहोस अवस्थाका उनलाई चिकित्सकले चेकजाँच गर्दा उनको मृत्यु भइसकेको जानकारी गण्डकी प्रदेश प्रहरी कार्यालय पोखराले जानकारी दिएको छ । घटनाको बारेमा प्रहरीले थप अनुसन्धान अगाडि वढाएको छ ।