लोकनृत्यमा गण्डकी र कर्णाली प्रथम

आदर्श समाज सम्वाददाता
श्रावण १३, २०७६
news_Fotor

राष्ट्रिय खुला एकल लोकनृत्य प्रतियोगितामा महिलातर्फ गण्डकी प्रदेशकी वन्दना घर्ती मगर र पुरुषतर्फ कर्णाली प्रदेशका शेखर घर्ती प्रथम भएका छन्।

यसैगरी महिलातर्फ ५ नं. प्रदेशकी अशु कुँवर द्वितीय, ३ नं. प्रदेशकी रविना मगर तृतीय भए भने कर्णाली प्रदेशकी विपना मन्दिर मगरले सान्त्वना पुरस्कार प्राप्त गरिन्।

पुरुषतर्फ १ नं. प्रदेशका प्रितम साम्वाहम्फे द्वितीय, ५ नं. प्रदेशका दिलबहादुर सुनार तृतीय र गण्डकी प्रदेशका हिराबहादुर गुरुङले सान्त्वना पुरस्कार प्राप्त गरेका छन्।

प्रदेशस्तरीय प्रतियोगितामा ६ वटा प्रदेशबाट एक महिला र एक पुरुष गरी १२ जना र गण्डकी प्रदेशबाट चार जना गरी १६ जना छनौट भई आएका कलाकारबीच उक्त प्रतियोगिता भएको थियो।

कल्याण शेरचन स्मृति प्रतिष्ठान पोखरा र सांस्कृतिक प्रतिष्ठान नेपालद्वारा आयोजित सो प्रतियोगिताको गण्डकी प्रदेशका आर्थिक मामिला तथा योजना मन्त्री किरण गुरुङले उद्घाटन गरेका थिए।

त्यस अवसरमा प्रमुख अतिथि गुरुङले नेपाल प्राकृतिक सम्पदाले मात्रै नभई विविध संस्कृतिले पनि सुन्दर भएको बताए।

संस्कृतिकर्मी चेतन कार्कीले प्रतियोगितामा प्रस्तुत सबै नृत्य उत्कृष्ट रहेको उल्लेख गर्दै कलाकारलाई प्रोत्साहन गर्ने सह्रानीय कार्य भएको बताए।

सोही कार्यक्रमबीच वरिष्ठ नृत्य निर्देशक प्रेमलाल परियार सुनामलाई सम्मान गरिएको थियो।

कल्याण शेरचन स्मृति प्रतिष्ठान पोखराका अध्यक्ष क्या. पूर्णबहादुर ह्योल्मो गुरुङको अध्यक्षतामा भएको सो कार्यक्रममा सांस्कृतिक संस्थानका महाप्रबन्धक राजेश थापा र कार्यक्रम संयोजक सिर्जन गुरुङले संस्थाका गतिविधिबारे प्रकाश पारेका थिए।

कार्यक्रमको सञ्चालन कलाकार जीवन दाहालले गरेका थिए।

Related News

सम्बन्धित समाचार

  • दृष्टिका लागि ठिक्क पावरको चस्मा हुनुपर्छ

    डिल्लीराम सुवेदी असार ४, २०८१
    निकै थोरै समय र राजनीतिक रस्साकस्सीको बीचमा आएको यो नीति तथा कार्यक्रम सन्तुलित देखिन्छ । यसले अलिकति सपना पनि देखेको…
  • सेती नदी संरक्षणका लागि प्रधानमन्त्रीको ध्यानाकर्षण

    आदर्श समाज सम्वाददाता असार ४, २०८१
    पोखरा । सेती नदी संरक्षण अभियानका पदाधिकारीहरूले प्रधानमन्त्री पुष्पकमल दाहाल ‘प्रचन्ड’ सेती नदी किनारको अहिलेको अवस्थाबारे ध्यानाकर्षण गराइएको छ ।…
  • किन घटेर आयो गण्डकीको बजेट ?

    आदर्श समाज सम्वाददाता असार ४, २०८१
    पोखरा । चालु आर्थिक वर्षमा सरकारले प्रक्षेपण गरेमध्ये संघ सरकारले दिने भनेको १ अर्ब ९८ करोड रुपैयाँ समानीकरण अनुदान पठाएको…
  • डा. एलियामालाई गण्डकी नारी सम्मान

    आदर्श समाज सम्वाददाता असार ३, २०८१
    पोखरा । लायन्स क्लब अफ पोखरा गण्डकीले शिक्षा तथा समाजिक क्षेत्रमा उल्लेखनीय योगदान पु¥याएकी शिक्षाविद् डा.एलियामा जोनलाई ‘गण्डकी नारी सम्मान’…
  • ४ हजार ५ सय २४ जनालाई तालिम

    आदर्श समाज सम्वाददाता असार ३, २०८१
    चितवन । भरतपुर महानगरपालिकाले आर्थिक वर्ष २०८०/८१ मा ४ हजार ५ सय २४ जनालाई निशुल्क तालिम दिएको छ । उत्पादनलाई…

hero news full width