आगामी भदौको १० गतेदेखि १४ गतेसम्म १८ औं संस्करणको कास्की जिल्ला स्तरीय ईन्द्रबहादुर गुरुङ स्मृति अन्तर विद्यालय ब्याडमिन्टन प्रतियोगिता हुने भएको छ। ‘स्वास्थ्यका लागि खेलकुद, राष्ट्रको लागि खेलकुद’ भन्ने मूल नारासहित कास्की जिल्ला ब्याडमिन्टन संघको आयोजनामा प्रतियोगिता हुन लागेको आइतवार आयोजित पत्रकार सम्मेलनमा जानकारी गराएको हो।
विद्यालय स्तरका विद्यार्थीहरुको ब्याडमिन्टनप्रति अभिरुची राख्न र खेलाडीहरु उत्पादन गर्ने उद्देश्यले १७ औं संस्करणसम्मको प्रतियोगिता सम्पन्न गरिसकेको संघका अध्यक्ष डम्मरसिंह गुरुङले बताए। यसअघिका प्रतियोगिताहरुबाट ब्याडमिन्टन विद्यालयस्तरका ब्याडमिन्टन खेलाडीहरु उत्पादन गरेको गुरुङको दाबी थियो।
प्रतियोगितामा विद्यालय स्तरको आधारभूत तह (कक्षा ८ सम्म), माध्यामिक तह (कक्षा १० सम्म) र उच्च माध्यामिक (कक्षा १२ सम्म) गरी तीन तहमा छात्र, छात्राको एकल र डबल्स गरी १२ इभेन्टमा खेल हुने अध्यक्ष गुरुङले बताए।
प्रतियोगिताको सवै इभेन्टका विजेता खेलाडीहरुलाई ट्रफी, मेडल र प्रमाणपत्र पुरस्कार रहेको छ। छात्रछात्रा दुबैतर्फ उत्कृष्ट खेलाडीले स्पोट्स साइकलको पुरस्कार पाउनेछन्। उदीयमान खेलाडीलाई ट्रफी र प्रमाणपत्र पुरस्कार रहेको छ। अनुशासित, प्रतियोगिताहरुमा सवैभन्दा बढि सहभागी खेलाडी, उत्कृष्ट पोशाक र उत्कृष्ट विद्यालयलाई ट्रफी पुरस्कार रहेको प्रतियोगिता संयोजक बबिन बाग्दासले जनाए।
ब्याडमिन्टन वल्र्ड फेडेरेशनको नियम अनुसार संचालन गरिने प्रतियोगितामा प्लाष्टिक सट्टल ककको प्रयोग गरिने जनाइएको छ। विद्यालयले इभेन्ट अनुसार खेलाडी दर्ता गर्नुपर्नेछ। कक्षा १२ सम्मको इभेन्टमा सहभागी खेलाडीहरु १२ कक्षा अध्ययनरत् हुनुपर्ने प्रावधान छ। प्रत्येक खेलाडीको अनिवार्य पोशाक हुनुपर्नेछ। भदौको ६ गते खेलाडी दर्ताको अन्तिम मिति तोकिएको छ। भदौको ८ गते टाइसिट प्रकाशित गर्ने बताइएको छ। प्रतियोगितामा सहभागी निजी विद्यालयका छात्रछात्रा सिंगल्सतर्फ २ सय र डबल्सतर्फ ४ सय दर्ता शुल्क तोकिएको छ। सामूदायिक विद्यालयका सहभागी खेलाडीहरुको हकमा भने दर्ता शुल्क नलाग्ने संयोजक बाग्दासले जानकारी दिएका छन्।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१