पसगााउँ समाजद्वारा दातालाई सम्मान

आदर्श समाज सम्वाददाता
श्रावण १२, २०७६
d11

पोखरा, १२ साउन । लमजुङको पर्यटकीय पसगाउँबाट पोखरा आइ बसोबास गरेका गुरुङहरुको साझा संस्था पसगाउँ (पैको तमू) गुरुङ समाज पोखराले एक कार्यक्रमको आयोजना गरि दाताहरुलाई सम्मान गरेको छ ।

साउन महिनाको वार्षिक नियमित खिर खाने कार्यक्रमको अवसर पारी पसगाउँ माइती घर भई लमजुङकै गिलुङ कर्म घर भएका तथा हाल बेलायत निवासी श्रीमान श्रीमती दिलमाया गुरुङ र नन्दप्रसाद गुरुङलाई स्वागत तथा सम्मान गरेको हो ।

उनीहरुले पसगाउँ तमू समाजको तर्फबाट मायाको चिनो र पसगाउँमै निर्मित अल्लोको कोट र खादाले सम्मान गरिएको हो भने आमा समुहको तर्फबाट खादा र फूलको बँुकीले सम्मान गरिएको थियो यस्तै पसगाउँ ठाँटी मा.वि.को तर्फबाट सम्मान पत्रले सम्मान गरिएको थियो ।

पस गाउँ तमू समाजका अध्यक्ष रामबहादुर गुरुङ, संस्थापक अध्यक्ष कपुरमान गुरुङ, ठाँटी मा.वि. पसगाउँका प्रधानाध्यापक रतनसिंह गुरुङ, लेखापाल संगीता गुरुङ तथा आमा समूह एवम पसगाउँबासीले टिका लगाएर फूल माला मायाको चिनो र सम्मान पत्र सहित सम्मान गरेको हो ।

सम्मानित व्यक्तित्व एवम् समाजसेवी दिलमाया गुरुङले जीवनमा आफनो लागि मात्रै काम गर्नु भन्दा अरुको लागि पनि केहि गर्दा त्यहाँबाट पाउने जति खुसी अरु चीजमा नपाउने भन्दै समयले साथ दिएसम्म समाजसेवामा आफूहरु लागि रहने बताइन ।

उनीहरुले पसगाउँ समाजलाई नगद रु.६० हजार दान स्वरुप प्रदान गरेका थिए । तमू धि लण्डन इकाईको तर्फबाट आर्थिक अवस्था कमजोर भएकी पसगाउँ निवासी चिजकुमारी गुरुङलाई ३० हजार रुपैंया सहयोग गरे ।

यस्तै पसगाउँमा रहेको बौद्ध गुम्बालाई १० हजार आर्थिक सहयोग गर्नुको सार्थे नृत्य निर्देशकलाई पनि नगद १० हजार रुपैंया प्रोत्साहन स्वरुप प्रदान गरेका थिए । यसअघि पसगाउँ ठाँटी मा.वि.मा स्थापना गरेको ६ लाख ५० हजारको अक्षयकोषको व्याज बापत प्राप्त रु. १ लाख २५ हजार रुपैंयाले यसवर्ष नयाँ विद्यालय भवन थप्न सहयोग पुगेको भन्दै विद्यालयका प्र.अ.रतनसिंह गुरुङले कार्यक्रम मार्फत उनीहरुप्रति आभार व्यक्त

आयोजित सम्मान तथा खिर खाने कार्यक्रम समाजका अध्यक्ष रामबहादुर गुरुङको अध्यक्षतामा भएको थियो भने समाजका सदस्य हरिमाया गुरुङले कार्यक्रमको सञ्चालन गरेकी थिइन् । कार्यक्रममा पसगाउँ तमू समाजका कलाकारहरुले विभिन्न साँस्कृतिक कार्यक्रमहरु प्रस्तुत गरेका थिए ।

Related News

सम्बन्धित समाचार

hero news full width