पोखरा, ११ साउन । नेपाल फिजिकल ट्रेनिङ एशोसिएसनद्वारा पोेखरामा गरिएको रक्तदानमा ६ सय ३९ पोका रगत संकलन भएको छ ।

लाहुरे तालिम सम्बन्धी प्रशिक्षण दिने संघ संस्थाको छांता संगठन नेपाल फिजिकल ट्रेनिङ एशोसियसनद्वारा आयोजित एवं रक्त सञ्चार केन्द्र पोखराको प्राविधिक सहयोगमा सम्पन्न रक्तदान कार्यक्रममा उक्त मात्रामा रगत संकलन भएको हो ।

नेपाल फिजिकल ट्रेनिङ एशोसियसनले वार्षिक कार्यक्रम अन्तर्गत खुल्ला रक्तदान कार्यक्रमको आयोजना गर्दै आइरहेको छ । नेपाल फिजिकल ट्रेनिङ एशोसिएसन क्षेत्रीय समिति पोखराका अध्यक्ष गजबहादुर गुरुङको संयोजकत्वमा पोखराको अमरसिंह चोक र पोखरा रंगशाला गरी दुइ छुट्टाछुट्टै स्थानमा रक्तदान गरिएको थियो ।

जसअनुसार अमरसिंहचोकमा २ सय ७६ युनिट र रंगशालामा ३ सय ६३ युनिट रगत संकलन भएको नेपाल फिजिकल ट्र्निङ एशोसियसन क्षेत्रीय समिति पोखराका कोषाध्यक्ष सेत्तमराज गुरुङले जानकारी दिए । गुरुङका अनुसार एशोसियसनमा आवद्ध ३९ वटा ट्रेनिङ सेन्टरमा आवद्ध प्रशिक्षार्थीले रक्तदान कार्यक्रममा सहभागिता जनाएको थिए ।