श्रेस्तेदारको गाडीमा आगजनी

आदर्श समाज सम्वाददाता
श्रावण १०, २०७६
aagjani

नवलपरासी, १० साउन । पूर्वी नवलपरासीको कावासोतीमा गएराति एउटा सरकारी गाडीमा आगजनी भएको छ । गाडीमा के कारणले आगलागी भयो भन्ने बारेमा प्रहरीले अनुसन्धान शुरु गरेको छ ।

प्रहरीको प्रारम्भिक अनुसन्धानबाट गाडीमा आगजनी विप्लव समूहका कार्यकर्ताले लगाएको हुनसक्ने आशंका गरिएको छ । नवलपुर जिल्ला अदालतका श्रेस्तेदार सारद दत्त बडु चढ्ने बा २ झ ३५०२ नम्बरको गाडीमा आगजनी भएको हो ।

जिल्ला प्रहरी कार्यालय नवलपुरका प्रहरी नायव उपरीक्षक एवम्र सूचना अधिकारी अर्जुन रानाभाटले गाडीको मुनी मट्टीतेलको गन्ध आएका र केही बोराका टुक्रा फेला परेकोले गाडीमा कसैले आगो लगाइदिएको हुन सक्ने प्रहरीले अनुमान गरेको छ ।

कावासोती–८ थकालीचोक निवासी अर्जुनकुमार श्रेष्ठको घरमा भाडामा बस्दै आएका बडुको गाडी श्रेष्ठको घर साइडमा पार्किङ गरी राखिएको थियो । राती सोही घरमा भाडामा बस्ने झपटबहादुर कुँवर लगायत ४ जना मानिस काठमाडौं जान निस्कँदा एक्कासी आगो बलिरहेको देखेपछि प्रहरीलाई खबर गरेका थिए । राति नै प्रहरी, स्थानीय र दमकलको सहायताले आगो नियन्त्रणमा लिइएको थियो ।

आगलागीमा परी गाडीको अघिल्लो भाग र इन्जिन जलेर नष्ट भएको छ । विप्वल समूहले केही दिन अघि सरकारमाथि प्रतिबन्ध लगाइ सरकारी गाडी चल्न नदिने चेतावनी दिएको थियो ।

Related News

सम्बन्धित समाचार

  • पर्यटकीय राजधानीमा पर्यटन प्राथमिकता

    आदर्श समाज सम्वाददाता असार १०, २०८१
    पोखरा । पर्यटकीय राजधानी घोषणा भएको पोखरा महानगरपालिकाले आगागी आर्थिक वर्षमा भ्रमण वर्षका रुपमा मनाउने भएको छ । पोखराका मेयर…
  • सांसद कानुन निर्माता कि विकासे एजेन्ट ?

    आदर्श समाज सम्वाददाता असार १०, २०८१
    पोखरा । गण्डकी प्रदेश सभा सदस्य सुधीरकुमार पौडेल यसअघि आँधीखोला गाउँपालिका अध्यक्ष थिए । कार्यकारीको अनुभव लिएर नीति निर्माण गर्ने…
  • मणिपालको राजस्व छानबिन गर्न नयाँ समिति

    आदर्श समाज सम्वाददाता असार ९, २०८१
    पोखरा । मणिपाल शिक्षण अस्पतालबाट पोखरा महानगरपालिकाले प्राप्त गर्नुपर्ने राजस्वको विषयमा छानविन गर्न ७ सदस्यीय समिति गठन भएको छ ।…
  • पोखरामा अब घरबाटै राजश्व दाखिला गर्न सकिने

    आदर्श समाज सम्वाददाता असार ९, २०८१
    पोखरा । पोखरा महानगरपालिकाको नीति कार्यक्रम प्रस्तुत भएको छ । सभागृहमा आयोजित महानगरपालिकाको १५ औँ नगरसभामा नगरप्रमुख धनराज आचार्यले आगामी आ.व…
  • कस्तो आयो रुपा गाउँपालिकाको बजेट –

    आदर्श समाज सम्वाददाता असार ९, २०८१
    पोखरा ।  कास्कीको रुपा गाउँपालिकाले आगामी आवका लागि बजेट ल्याएको छ । हेर्नुहोस पूर्णपाठ – गाउँपालिका अध्यक्षज्यू, प्रमुख प्रशासकीय अधिकृतज्यू,…

hero news full width