बडी बिल्डिङ खेलाडीको सम्मान गरिने

एजेन्सी
श्रावण ९, २०७६
Body Buildins Players Samman_Fotor

काठमाण्डौंमा हालै सम्पन्न साउथ एसियन बडी बिल्डिङ एण्ड फिजिक स्पोर्ट्स च्याम्पियनसीप–२०१९ मा पदक विजेता नेपाली खेलाडीको सम्मान गरिने भएको छ।

च्याम्पियनसीपमा राष्ट्रको शिर उचो राख्न सफल भएको भन्दै नेपाल शारीरिक सुगठन तथा फिटनेश संघले सम्मान गर्न लागेको संघ अध्यक्ष राजेशबाबु श्रेष्ठले जनाए।

संघको तर्फबाट श्रेष्ठले विज्ञप्ति जारी गर्दै उक्त च्याम्पियनसीपमा स्वर्ण हात पानेर्लाई ५० हजार, रजतलाई ३० हजार र कास्यलाई २० हजार नगदसहित सम्मान प्रदान गर्ने निर्णय भएको जानकारी गराएको हो। १८ विधामा प्रतिस्पर्धा गराइएको च्याम्पियनसीपमा नेपालले भारतलाई पछि पार्दै ३ स्वर्ण ७ रजत र ६ कास्य जितेको थियो। टिम च्याम्पियन भने अफ्गानिस्तान बनेको थियो।

यस्तै, थाइल्यान्ड बडी बिल्डिङ एण्ड फिजिक स्पोर्ट्स एशोसिएसनको आयोजनामा साउन ३१ देखि भदौको १ गनेसम्म बैंककमा हुने एसिया प्यासिफिक बडी बिल्डिङ च्याम्पियनसीप–२०१९ का लागि साउथ एसियन बडी बिल्डिङ एण्ड फिजिक स्पोर्ट्स च्याम्पियनसीप–२०१९ मा विजयी खेलाडी र अफिसियललाई समावेश गराउने निर्णय गरेको विज्ञप्तिमा जनाइएको छ।

यसअघि नेपालका समीर श्रेष्ठले सिनियरतर्फ ६५ केजीमा स्वर्ण हात पारेका थिए। नरेश मुनिकारले १६७ सेमिमाथिको पुरुष एथ्लेटिक्स फिजिकमा तथा मल्लिका शाक्यले महिला मोडल फिजिकमा स्वर्ण हात पारेका थिए। उनीहरुले सोही विधामा स्पर्धा गर्ने नेपाल शारीरिक सुगठन तथा फिटनेश संघका उपाध्यक्ष दिनेश राजभण्डारीले जानकारी गराएका छन्।

भदौ २६ देखि असोज १, सम्म मंगोलियाको होहोत शहरमा हुन गइरहेको ५३ औं एसियन बडी बिल्डिङ एण्ड फिजिक स्पोर्ट्स च्याम्पियनसीप–२०१९ मा शारीरिक सुगठन प्रतियोगिताका ३ जना, पुरुष स्पोर्ट्स फिजिक्स तथा महिला एथ्लेटिक्स फिजिक्समा ४ जना र पुरुष एथ्लेटिक्स फिजिकमा २ जना तथा २ अफिसियल र २ निर्णायकहरु गरी जम्मा १३ जनाले सहभागिता जनाउने भएका छन्।

Related News

सम्बन्धित समाचार

  • विश्व ओलम्पिक दिवसमा माउन्ट अन्नपूर्णमा विविध कार्यक्रम

    आदर्श समाज सम्वाददाता असार ८, २०८१
    पोखरा । विश्व ओलम्पिक दिवस अवसरमा माउन्ट अन्नपूर्ण माविले एसइई दिएर बसेका विद्यार्थीहरुको फुर्सदको समय सदुपयोग गर्ने उद्देश्यले तीनदिने विविध…
  • कास्कीलाई हक्की उपाधि

    आदर्श समाज सम्वाददाता असार ८, २०८१
    पोखरा । प्रदेश खेलकुद परिषद् गण्डकी आयोजना र गण्डकी प्रदेश हक्की संघको व्यवस्थापनमा भएको अन्तरजिल्लास्तरीय हक्की प्रतियोगिताको उपाधि कास्कीले जितेको…
  • आर्चरीमा कास्की च्याम्पियन

    आदर्श समाज सम्वाददाता असार ८, २०८१
    पोखरा । तेस्रो संस्करणको गण्डकी प्रदेशस्तरीय आर्चरीमा कास्की च्याम्पियन भएको छ । कुल ९ पदकका लागि भएको प्रतियोगितामा कास्कीले ३…
  • न्यू मोडलको फुटसल सुरु

    आदर्श समाज सम्वाददाता असार ६, २०८१
    पोखरा । न्यू मोडल सेकेण्डरी स्कुल, नागढुंगा आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ । प्रतियोगिता उद्घाटन…
  • गण्डकी प्रदेश पुरुष टि–२० क्रिकेटको उपाधि स्याङजाले जित्यो

    आदर्श समाज सम्वाददाता असार ६, २०८१
    पोखरा  । घरेलु टोली कास्कीलाई ६ विकेटले पराजित गर्दै गण्डकी प्रदेश पुरुष टि–२० क्रिकेटको उपाधि स्याङजाले जितेको छ । पोखरा…

hero news full width