लायन्स क्लब अफ पोखरा पिस सिभिकले स्थापनाको चौथो वर्ष पूरा गरी पाँचौं वर्ष प्रवेश गरेको छ।

सो अवसरमा आयाजित समारोहको लायन्स क्लब इन्टरनेशनल डिष्ट्रिक्ट ३२५ बि १ नेपालका द्वितीय उपाध्यक्ष विश्वेश्वर आचार्यले समाजसेवाभन्दा ठूलो कुनै कार्य नभएको बताए।

पूर्व मल्टिपल काउन्सिल चियरपर्सन दीपक श्रेष्ठले आफ्नो पेशा व्यवसायलाई पहिलो प्राथमिकतामा राखेर आफूले कमाएको केही अंश लायनवाद मार्फत समाजसेवामा लगाउनु पर्ने बताउँदै लायन्स क्लबमा कसैले कसैलाई करकाप गर्न नहुने बताए।

डिष्ट्रीक्ट को–चीफ एड्भाइजर सुचित्रा थापा, क्लष्टर २३ का प्रमुख पृथ्वीराज तिमिल्सिना, जोन ९९ का चियर पर्सन ज्ञानेन्द्रराज कोइराला, क्लबका पूर्व अध्यक्ष एवम् वृक्षरोपण कार्यक्रम को–चीफ बुद्धिनाथ बराल, निवर्तमान अध्यक्ष थानेश्वर तिवारी, लायन्स क्लब अफ पोखरा अपी स्मार्टका अध्यक्ष नेत्रराज न्यौपाने लगायतले शुभकामना मन्तव्य राखेका थिए।

क्लब अध्यक्ष युवराज खनालको अध्यक्षतामा भएको कार्यक्रममा स्वागत संस्थापक अध्यक्ष एव् रिजन ४७ का चियर पर्सन पवित्रराज तिवारीले गरेका थिए।

यस्तै, कार्यक्रम संयोजक करण ढकालले धन्यवाद ज्ञापन र संचालन सचिव रेशम खड्काले गरेका थिए।