बागलुङ नगरपालिका श्रीनगर टोलकी जमुनाकुमारी रिजाल २५ वर्षदेखि साउनको पहिलो सोमवार गलेश्वरमा पूजा गर्दै आएकी छन्। यो वर्षको पहिलो सोमवार श्रीमान्सँगै गलेश्वर आएकी रिजालले श्रीमान्को दीर्घायु र परिवारको सुखशान्तिको कामना गरी पूजा गरेको बताइन्।
‘२५ वर्षदेखि हरेक वर्ष साउन महिनाको पहिलो सोमबार श्रीमान्को दीर्घायु र परिवारमा सुखशान्तिको कामना गरी गलेश्वर मन्दिरमा पूजा गर्न आउने गरेको गरेकी छु, उनले भनिन् ‘गलेश्वर मन्दिरमा पूजा गरे अनुसार अहिलेसम्म भगवान्ले मनोकांक्षा पूरा गरिदिनुभएको छ। ’
मालिका गाउँपालिका–६ दरबाङकी शान्ति गुरुङले पनि विद्या प्राप्तिसँगै क्षैक्षिक सफलताको कामना गरी गलेश्वरमा पूजा गर्न आएको बताइन्।
जमुनाकुमारी र शान्तिले जस्तै गलेश्वरमा पूजा गर्न आएकाले भक्तजनले श्रीमान्को दीर्घायु, परिवारमा सुखशान्ति र शैक्षिक सफलताको कामना गरी मन्दिरमा पूजा गर्न आउने गरेको बताए।
कालिगण्डकी नदी किनारमा ९ रोपनी क्षेत्रफल चट्टानमा फैलिएको बेनी नजिकै रहेको ऐतिहासिक धार्मिकस्थल गलेश्वरमा पूजा गनेर्को घुँइचो लागेको छ। प्रसिद्ध धार्मिकस्थलका रुपमा पहिचान बनाएका मन्दिरमा साउनको पहिलो सोमवार शिवको दर्शन गर्न आउने भक्तजनको भीड बढेको हो।
साउनको पहिलो सोमवार भक्तजनको भीड बढेको गलेश्वर शिवालय क्षेत्र विकास कोष समितिका सदस्य सचिव माधवप्रसाद रेग्मीले बताए। उनका अनुसार जिल्लासँगै कास्की, चितवन, बागलुङ, पर्वत र काठमाडौ लगायत क्षेत्रबाट दर्शनका लागि भक्तजन आएका छन्। ‘गत वर्ष झै यो वर्षको साउन महिनाको पहिलो सोमवार गलेश्वरमा पूजा गर्न आउने भक्तजनको भीड बढेको छ, उनले भने। ’ पहिलो सोमवार करिब १९ हजार बढी भक्तजनले पूजा गरेको जानकारी दिए। भक्तजनलाई लक्षित गरी सुरक्षा लगायत विभिन्न व्यवस्थापनको कार्यलाई प्रभावकारी बनाइएको कोषका उपाध्यक्ष पण्डित भीमनाथ पराजुलीले बताए। भक्तजनबाट संकलन भएको दान मन्दिरको पूर्वाधार विकास र अन्य विभिन्न क्षेत्रमा खर्च गर्ने गरेको उपाध्यक्ष पराजुलीले जानकारी दिए।
गलेश्वर मन्दिरमा पूजा गर्न आउने भक्तजनलाई लक्षित गरी विद्यार्थी, शिक्षक, प्रहरी, सामुदायिक प्रहरी, क्लब तथा स्थानीय आमा समूहले सेवा दिँदै आएका छन्।
मन्दिरमा पूजा गर्न आउने भक्तजनलाई लक्षित गरी स्वयंसेवकको रुपमा सहयोग गदैर्र् आइरहेको न्यू वेष्ट प्वोइन्ट माविका शिक्षक सतिश श्रेष्ठ र सामुदायिक प्रहरी सेवा केन्द्रका उपाध्यक्ष डेकबहादुर सुनारले बताए।
विशेषगरी विवाहित महिला श्रीमान्को दीर्घायु, परिवारको सुखशान्तिको कामना र विद्यार्थीले शैक्षिक सफलताको कामनाका लागि पूजा गरेका छन्।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१