प्रतिभा मावि, नदीपुरले कक्षा ११ मा भर्ना भएका नवआगन्तुक विद्यार्थीको स्वागत तथा अभिमुखीकरण कार्यक्रम गरेको छ।

विज्ञान, व्यवस्थापन र होटल व्यवस्थापन संकायमा भर्ना भएका विद्यार्थीको स्वागतमा सो कार्यक्रम गरिएको हो। कार्यक्रम उद्घाटन गर्दै काठमाडांै विश्वविद्यालयका पूर्व उपकुलपति प्राडा सुरेशराज शर्माले देश बनाउन विदेशी लगानीभन्दा स्वदेशी ईच्छा र आकांक्षा आवश्यक रहेको बताए। कार्यक्रममा शिक्षाविद् जर्ज जोन र डा एलियामा जोनले आफ्नो भविष्यका लागि विद्यार्थीले समयमा नै सोच्नुपर्नेमा जोड दिए।

त्यस अवसरमा अभिभावक एकदेव देवकोटा, विद्यालयका एकेडेमीक डिन विजयबहादुर थापा, प्लस टु संयोजक किरण सापकोटा, नवआगन्तुक विद्यार्थी रुपेश परियार, कक्षा १२ की स्मृति अधिकारी, काठमाडौं विश्वविद्यालयमा एमबिबिएस परीक्षामा प्रथम हुने पूर्व विद्यार्थी जेए मिलन, वरिष्ठ उत्प्रेरक विके शर्माले लगायत बोलेका थिए।

कार्यक्रममा शिक्षा क्षेत्रमा अतुलनीय योगदान पुर्याकोमा प्राडा सुरेशराज शर्मा, उत्कृष्ट विद्यार्थी र प्रतिभा माविको झण्डा सगरमाथाको शिखरमा पुर्याउने गोपाल श्रेष्ठलाई सम्मान गरिएको थियो।

विद्यालय संचालक समिति अध्यक्ष नारायणप्रसाद पौडेलको अध्यक्षतामा सम्पन्न कार्यक्रम शिक्षक वीरबहादुर बुढाले संचालन गरेका थिए।