सिंगापुरमा आयोजना हुने आइसीसी टी–२० विश्वकप एसिया फाइनलको तयारी गर्न नेपाली राष्ट्रिय क्रिकेट टिमले मलेसियामा अन्तिम तयारी गरिरहेको छ ।

नेपाली टोली मलेसियामा अभ्यास खेल (वार्म–अप ) मा व्यस्त छ । नेपालले मलेसियामा अभ्यास वार्म–अप गरेको छ ।

घरेलु टोली मलेसियासँगको दुई खेलको टी–२० क्रिकेट सिरिजमा समेत नेपालले क्लिन स्विप गरेको थियो । नेपाली टोली मलेसियाबाटै सिंगापुर प्रस्थान गर्नेछ । सन् २०२० मा अष्ट्रेलियामा हुने विश्वकपको छनोटको रुपमा रहेको फाइनल जुलाई २२ देखि २८ सम्म सिंगापुरमा आयोजना हुदैछ ।

एसिया फाइनलमा नेपालसहित आयोजक सिंगापुर, मलेसिया, कतार र कुवेत रहेका छन् । नेपालले पहिलो खेल कतारसँग खेल्नेछ । नेपाल र कतारबीचको खेल २३ जुलाईमा हुनेछ । यस्तै, नेपालले दोस्रो खेलमा मलेसियासंग २४ जुलाई, २७ जुलाईमा कुवेत र २८ जुलाईमा सिंगापुरसंग खेल्नेछन् । छनोट शीर्ष टोलीले विश्वकपको ग्लोबल छनोटमा स्थान बनाउने छन् ।

तस्वीर : रमन सिवाकोटी