पोखरा । गण्डकी प्रदेशका मुख्यमन्त्री पृथ्वीसुब्बा गुरुङले पोखरा पर्यटनको मात्रै नभएर खेलकुदको पनि राजधानी हुन सक्ने दाबी गरेका छन् ।
पोखराको बगरमा संचालनमा आएको जिम टाउन स्पोर्ट्स एकेडेमीको उदघाटन गर्दै मुख्यमन्त्री गुरुङले यस्तो बताएका हुन् । उनले व्यायामशाला टोल टोलमा हुनुपर्ने कुरामा समेत जोड दिए । मुख्यमन्त्री गुरुङले भने, ‘मान्छे स्वास्थ्य हुनको लागि ब्यामशाला आबश्यक छ ।’
गण्डकी प्रदेशका अर्थ तथा विकास समितिका सभापति दीपक कोइरालाले आफू क्षेत्रीय खेलकुद विकास समितिको सभापति हुँदा मात्रै जिम हाउसको महत्व बुझेको बताए । उनले सवै खेलाडीलाई जिम हाउस अति आबश्यक भएको उल्लेख गरे ।
गण्डकी प्रदेशका सांसद विन्दुकुमार थापाले आफू ६० बर्षको उमेरमा पनि जिम हाउस जाने गरेको बताए । सवैको लागि जिम हाउस आबश्यक भएको बताउँदै सांसद थापाले जिमको क्षेत्र विस्तार गर्न सञ्चालकहरुलाई सुझाब दिए ।
शारिरीक सुगठन र व्यायाममा चाहना राख्नेहरुका लागि फिजिकल फिट्नेश र बडी बिल्डिङका (यन्त्र जडित) सहितको सामग्रीहरुलाई अफरसहित व्यायामशालाको रुपमा स्पोर्ट्स एकेडेमी संचालनमा ल्याइएको संचालक बलराम सुवेदीले जानकारी दिए ।
सुवेदीका अनुसार विशेषगरी पृथ्वीनारायण क्याम्पस, बाटुलेचौर र लामाचौर क्षेत्रका युवाहरुलाई लक्षित गरेर पोखराको बगरमा जिम सेन्टर संचालनमा ल्याएको हो । अमेरिकन फिट एण्ड स्ट्रङ कम्पनीमा निर्मित यान्त्रिक मेशिनहरुलाई जिम सेन्टरमा राखिएको संचालक नविन आचार्यले जानकारी दिए ।
२ करोड लगानीमा जिम सेन्टरलाई संचालनमा ल्याइएको हो । आचार्यले पोखरामै नयाँ मेशिन भित्राइएको दावी समेत गररे । शरीरलाई स्वस्थ र तन्दुरुस्त राख्न साथै ब्लड प्रेसर, माइग्रेन्ट रोगलाई व्यायाममार्फत कम गर्नका लागि व्यायामशालाबाट आवश्यक सेवा सुविधा उपलब्ध गराउने संचालक गोविन्द मल्लले जानकारी दिए ।
मल्लका अनुसार व्यायामशालामा एअर कण्डिसन, तातोपानी र पार्किङको उपलब्ध छ । मासिक ३ हजार, १५ सय भर्ना शुल्कसहित व्यायामशालामा १० जना प्रशिक्षकहरु रहने संचालक अर्का संचालक वामदेव सुवेदीले बताउनुभयो ।
उनका अनुसार विहान ५ बजेदेखि बेलुकी ९ बजेसम्म व्यायामशाला खुल्ला रहनेछ । एकै पटक १ सय ५० जनासम्मले व्यायाम गर्न सक्नेछन् । कार्यक्रमका प्रमुख अतिथि गण्डकी प्रदेश मुख्यमन्त्री पृथ्वीसुब्बा गुरुङलाई भिआईपी कार्ड अर्पण गरिएको छ ।
Related News
सम्बन्धित समाचार
पोखराको गन्नीलाई रनिङ सिल्ड
लमजुङमा दोस्रो कोरा साइकल दौड
ईश्वर बने चेस च्याम्पियन
यु–२० चेसमा १०५ खेलाडी
सेभेन ए साइड फुटबल जारी
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१