लेखनाथ, २२ असार । समुदाय र प्रहरीबीच समन्वय गरेमात्र अपराध नियन्त्रण गर्न सजिलो हुने एक कार्यक्रमका सहभागीले जोड दिएका छन् ।

पोखरा महानगरपालिका–३० पावर हाउस स्थित वडा प्रहरी चौकीको मूलद्वारा उद्धघाटन समारोहमा बोल्दै गण्डकी प्रदेश विकास समतिका सभापति एवं गण्डकी प्रदेश सभा सदस्य दीपक कोइरालाले अपराधिक कृयाकलाप नियन्त्रण गर्न नेपाल प्रहरी अब्वल रहेको बताए ।

समुदाय र प्रहरीबीच सुमधुर सम्वन्ध कायम गर्दै सवै क्षेत्रका सबैखाले खराबी नियन्त्रण गर्न सबै लाग्नु पर्नेमा जोड दिए । जनसहभागीता जहाँ हुन्छ त्यहाँ विकास पनि हुने कुरामा जोड दिदै उनल प्रहरीले विभिन्न खालका विकृति निर्मुलपार्न जनतासँग जोडिएर एकताबाट अगाडी बढेमा जस्तो सुकै अपराधी पत्ता लगाउन सकिने कुरामा जोड दिए ।

गेट निर्माण समितिका अध्यक्ष प्रेम लिगलको सभापतित्वमा भएको सो कार्यक्रममा पोखरा महानगरपालिका वडा नं.३० का वडा अध्यक्ष श्रीराम पोख्रेल, इलाका प्रहरी कार्यालय डाडाँको नाँकका प्रहरी नायव उपरीक्षक मोहनबहादुर खाँड, वडा सदस्य शारदा वास्तोला, पदमराज पौडेल, लेखनाथ उद्योग वाणिज्य संघकी सदस्य जानुका अधिकारी लगायतले सहकार्य र एकताले नै समाज सुधार हुने कुरामा जोड दिएका थिए ।

मूलद्वार निमार्ण समितिकी सदस्य एवं समाज सेवी मिना भण्डारीले स्वागत मन्तव्य राखेको सो कार्यक्रमको संचालन सचिव कृष्णप्रसाद पौडेलले गरको थिए ।