पुष्करेश्वर महादेव मन्दिर पोखरा–७, मासवारमा असार ९ देखि सञ्चालित वेदान्त प्रवचन कार्यक्रम शनिबार समापन भएको छ।

उक्त कार्यक्रममा महेश सन्यास आश्रम देवघाटका पीठाधीश स्वामी रमणानन्द गिरीले प्रवचन गरेका थिए।

समापन कार्यक्रममा आश्रमका संस्थापक रामानन्द गिरीबाट शुरु गएको वेदान्त प्रवचन कार्यक्रमलाई निरन्तरता प्रदान भएकोमा स्वामी रमणानन्द गिरीलाई सम्मान गरिएको थियो।

पुष्करेश्वर महादेव मन्दिर समितिका संस्थापक अध्यक्ष प्रेमनारायण बराल र अध्यक्ष पिताम्बर बरालले दोसल्ला ओढाएर स्वामीको सम्मान गरेका थिए।

त्यस अवसरमा अध्यक्ष बरालले कार्यक्रममा सहभागी सवैप्रति आभार व्यक्त गर्दै गृहस्थ जीवनमा रहेर पनि मुक्तिको मार्ग अवलम्वन गर्न सकिने ज्ञान प्राप्त भएको बताए।

महेश संस्कृत गुरुकुलका सदस्य रामप्रसाद सुवेदीले व्यास भूमिको महिमा बढाउन र संस्कृत भाषाको जगेर्ना गर्नु पर्नेमा जोड दिए।

पोखरा–७ का वडाध्यक्ष रामचन्द्र बरालले सवैले शान्तिपूर्वक जिउने प्रयास गर्नुपर्ने बताए।

ब्राह्मण समाज कास्कीका अध्यक्ष रामप्रसाद बस्ताकोटीले वेदान्तलाई सरल तरिकाले बुझ्ने अवसर प्राप्त भएको बताए।

त्यस अवसरमा महेश सन्यास आश्रमबाट सञ्चालित गुरुकुल प्रवद्र्धन समाजको अभिभावक सदस्यता लिने महानुभावहरुलाई सम्मान गरिएको थियो।

कार्यक्रमको सञ्चालन पुष्करेश्वर महादेव मन्दिर समितिका सचिव सरोजनारायण बरालले गरेका थिए।