नेपाली कांग्रेस संसदीय दलका प्रमुख सचेतक बालकृष्ण खाँणले भारतबाट आयात हुने फलफूल र तरकारीको विषादी परीक्षणबाट पछि हटेर सरकारले असली राष्ट्रवाद देखाएको आरोप लगाएका छन्।
उनले अत्याधिक विषादी हुने भारतीय र नेपाली सामग्रीको पनि परीक्षण गर्नुपर्ने बताए। भारतको दबाबका कारण सरकारले जनताको स्वाथ्यमा खेलवाड गरेको टिप्पणी पनि गरे। शनिवार रुपन्देहीको तिलोत्तमा उद्योग वाणिज्य संघको पाँचौ साधारण सभा र संघद्वारा नवनिर्मित भवनको उद्घाटन गर्दै उनले स्वास्थ्यलाई बेफाइदा गर्ने त्यस्ता विषादी भएका फलफूल र तरकारी प्रयोग गर्दा ख्याल गर्न आग्रह गरे। पूर्वमन्त्रीसमेत रहेका नेता खाँणले गुणस्तरमापन गरेर मात्र फलफूल र तरकारी आयत गर्न सरकारलाई आग्रह गरे।
तिलोत्तमा नगरपालिका हरेक किसिमबाट सम्भावित नगरपालिकाल भएको उल्लेख गर्दै उनले तिलोत्तमामा अर्गानिक तरकारी उत्पादन गर्न सकिने बताए। तिलोत्तमा नगरलाई आत्मनिर्भर नगरका रूपमा विकास गर्न सकिने र त्यसका लागि स्वदेशी र विदेशी लगानी कर्तालाई भित्रयाउन पर्नेमा उनको जोड छ।
खाँणले प्रदेश नम्बर पाँच नेपालको मध्यभागमा रहेकाले विकासका लागि धेरै सम्भावना रहेको उल्लेख गर्दै सक्षम र आर्थिक रुपले बलियो प्रदेश बनाउन सकिने बताए। राजनीतिक परिवर्तनसँगै देश नयाँ संरचनाबाट अगाडि बढेको उल्लेख गर्दै धार्मिक, सामाजिक, सांस्कृतिक, राजनीतिक, विभिन्न वर्ग समूदायको विविधतालाई संस्थागत गर्नुपर्नेमा उनले जोड दिए।
कार्यक्रममा नेपाली काँग्रेस रुपन्देहीका सभापति अब्दुल रज्जाकले उद्योग व्यवासय सञ्चालनका लागि सहज वातावरणको आवश्यक पर्ने र वातावरण सिर्जना गर्ने दायित्व सरकारको भएको बताए।
नेपाल उद्योगा वाणिज्य महासंघ प्रदेश नम्बर पाँचका अध्यक्ष गुणनीधि तिवारीले राज्यले नीजि क्षेत्रका समस्यालाई चिन्न नसकेको बताए।
कार्यक्रममा नेपाली काँग्रेस रुपन्देहीका सचिव रामकृष्ण खाँण, बुटवल उद्योग वाणिज्य संघका अध्यक्ष खिमबहादुर हमाल, तिलोत्तमा चेम्बर अफ कमर्शका अध्यक्ष जेपी कँडेल, रुपन्देही उद्योग संघका अध्यक्ष गणेशप्रसाद अधिकारी, संघका सल्लाहकार ध्रुवकुमार श्रेष्ठ, करहीया खानेपानी उपभोक्ता तथा सरसफाइ सस्थाका अध्यक्ष यमबहादुर पुनलगायतले बोल्दै बोल्दै देशको व्यापार घटेकाले आर्थिक अवस्था दयनीय भएको बताए। सोही अवसरमा संघको भवन निर्माणका लागि सहयोग गर्ने दातालाई सम्मान गरिएको थियो।
Related News
सम्बन्धित समाचार
मजदुरलाई छैन मजदुर दिवस रौनक
नारायणगढ–बुटवल सडक ३३ किमी कालोपत्रे
अकला आयोजना सञ्चालनमा खानेपानी संस्थान नै बाधक !
सडक आश्रित मानवमुक्त जिल्ला कार्यान्वयनका लागि समन्वय बैठक
सांस्कृतिक कार्यक्रम एवं भजन प्रतियोगिताको तयारी पूरा
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१