पाल्पा १४ असार । विश्व वातावरण दिवस पाल्पामा पनि विविध कार्यक्रम आयोजना गरी मनाइएको छ । वृक्षारोपण, तानसेनको बतासे डाडाँमा खुला नाचघर (सांस्कृतिक) डबल लगायतका कार्यक्रम गरी शनिबार दिवस मनाइएको हो ।

उद्योग पर्यटन वन तथा वातावरण मन्त्रालय पाँच नम्बर प्रदेशको वार्षिक कार्यक्रम अनुसार तानसेनको बतासे डाँडामा खुला नाचघर उद्घाटन गरिएको आयोजकले जनाएको छ । नाचघरको पाँच नम्बर प्रदेशका उद्योग, पर्यटन तथा वातावरण मन्त्री लिला गिरीले एक समारोहका वीच सिलन्यास गरेका हुन् । दुई वर्षमा निर्माण सम्पन्न हुने आयोजनाको कूल लागत ७ करोड रहेको स्रोतले जनाएको छ ।

प्रदेश सरकारको प्राथमिकता प्राप्त आयोजनाको डेकोर स्टुडियो काठमाडौंले डिजाइन गरेको र निर्माणको जिम्मा प्रतिष्ठा कन्स्ट्रक्सन कम्पनी काठमाडौंले लिएको स्रोतले जनाएको छ ।