कर्भडहल निमार्ण झ्न विवादित

आदर्श समाज सम्वाददाता
असार ७, २०७६
ansan aaa

बुटवल ७ असार । बुटवल १ मा रहेको रजा ए मुस्तफा मस्जिद गेट अगाडि खाली ठाउँ नछाडी कर्भड हल बनाउन लागेको विरोधमा मुस्लिम समुदायले अनसन सुरु गरेका छन् ।

उनीहरुले पार्किङ क्षेत्र छुट्याएर मात्रै कभर्ड हल बनाउन माग गर्दै शुक्रबारदेखि मस्जिद गेटमै अनसन थालेका हुन् । पूर्वसांसद हाजि नजिर मियाँको नेतृत्वमा संघर्ष समिति नै बनाएर अनसन सुरु भएको हो ।मुस्लिम अगुवाहरुले मस्जिद च्यापिने गरी कभर्ड हल नबनाउन आग्रह गरे । मियाले समयमै आफूहरुको माग सम्बोधन नभए कडा आन्दोलन गर्ने बताए ।
यसअघि उनीहरुले यही माग राखेर बुटवल उपमहानगरपालिकामा ज्ञापन पत्र समेत बुझाएका थिए ।

१६ परिवार १० दिनदेखि अनसनमा

बुटवल उपमहानगरपालिकाले कभर्ड हल बनाउन भन्दै स्थानीयको घर भत्काएपछि १६ घरपरिवार अनसनमै छन् । अनसनको शनिबार दिन पुगेको छ । उनीहरुले आफूहरुलाई न्याय दिलाइदिन अपील गरेका छन् ।अहिले निर्माणाधीन कभर्डहल नजिक दुईथरिको अनसन छ । गएराती पानी परेपछि उनिहरुको विचल्ली भएको छ ।

एकातिर विस्थापित परिवारको भने अर्काेतिर मुस्लिम समुदाय धर्नामा बसेका हुन् । सो जग्गामा ०२८ सालदेखि बस्दै आएका १६ परिवारका टहरा उपमहानगरले डोजर लगाएर भत्काइदिएको थियो ।

Related News

सम्बन्धित समाचार

hero news full width