गुरुकुल विद्या सदन माविमा भएको अन्तरएसइई खुला बास्केटबल प्रतियोगितामा छात्रतर्फ कास्की बास्केटबल एकेडेमी (रातो) र छात्रातर्फ कास्की बास्केटबल एशोसिएसनले उपाधि जितेका छन्।

छात्रतर्फ फाइनलमा कास्की एकेडेमीले मनकामनालाई तथा छात्रातर्फ कास्की एशोसिएसनले एलएसएसलाई पराजित गर्दै उपाधि जितेको हो।

प्रथम हुने समूहले ५ हजार तथा द्वितीय हुने समूहले ३ हजारसहित मेडल प्रमाणपत्र पुरस्कार प्राप्त गरे।

प्रथम हुने खेलाडीले गुरुकुल विद्या सदनमा ११ कक्षामा विज्ञान, होटल व्वस्थापन तथा व्यवस्थापन संकायमा अध्यायन गर्दा मासिक शुल्कमा पूर्ण छुट प्राप्त गनेर्छन्। दोश्रो हुने समूहका खेलाडीले मासिक शुल्कमा ५० प्रतिशत छुट प्राप्त गर्ने कार्यक्रम संयोजक प्रकाश पराजुलीले जानकारी दिए।

प्रमुख अतिथि कास्की जिल्ला बास्केटबल संघ अध्यक्ष ध्वजकुमार गुरुङ्गले विजेता तथा उपविजेता टिमका खेलाडीलाई पुरस्कृत गरे। विद्यालय व्यवस्थापन समिति अध्यक्ष इ.धर्मराज कोइरालाको अध्यक्षतामा सम्पन्न कार्यक्रममा विद्यालयका सह–प्राचार्य हरि ढकाल, एकेडेमिक डिन रवि कार्की, विद्यालय संस्थापक सदस्य प्रमोद बराल लगायतले विद्यालयका गतिविधिमाथि प्रकाश पारेका थिए। विद्यालयका प्राचार्य अचुत पाण्डेले कार्यक्रम सञ्चालन गरेका थिए।