क्यानाडाको फ्रेन्चाइज बास्केटबल क्लब टोरन्टो राप्टोर्सले पहिलो पटक एनबीए बास्केटबल लिगको उपाधि जितेको छ ।

शुक्रबार भएको फाइनलमा गोल्डेन स्टेट वारिवर्सलाई पराजित गर्दै टोरन्टोले पहिलो पटक एनबीएको उपाधि जितेको हो । ओरासेल एरिनामा भएको फाइनलमा टोरन्टोले दुई पटकको च्याम्पियन वारिवर्सलाई ११४–११० स्कोरले पराजित ग¥यो ।

निकै प्रतिस्पर्धात्मक खेलको पहिलो क्वार्टरमा टोरन्टोले ३३–३२ ले अग्रता बनाएको थियो । दोस्रो क्वार्टरमा पनि टोरन्टोले २७–२५ को अग्रता बनायो ।

तेस्रो क्वार्टरमा भने टोरन्टो वारिवर्ससंग ३१–२६ ले पछि परेको थियो । चौथो क्वार्टरमा २८–२२ को अग्रता बनाउँदै टोरन्टोले उपाधि आफ्नो पक्षमा बनायो ।

योसँगै टोरन्टो एनबीएको उपाधि जित्ने अमेरिका बाहिरको पहिलो टिम बनेको छ । टोरन्टो एनबीएको उपाधि जित्ने पहिलो क्यानेडियन टिम समेत बनेको हो । प्रतियोगिताको फाइनलमा टोरन्टोका काव्ही लिओनार्ड मोस्ट भ्यलुएबल प्लेयर चुनिए ।