शिवालय माविमा अभिभावक भेला

आदर्श समाज सम्वाददाता
जेठ ३०, २०७६
shivalaya (1)

पोखरा, जेठ ३० गते । कास्कीको रुपा–२, थुम्कीस्थित शिवालय माविमा बिहीबार अभिभावक भेला सम्पन्न भएको छ ।

विद्यालयको गुणस्तरीय सुधारका लागि छलफल गर्ने उद्देश्यले आयोजित भेलामा अभिभावकले विभिन्न सुझाव दिएका थिए । निःशुल्कको ठाउँमा आफूहरु शुल्क तिर्न पनि तयार भएको तर शिक्षामा गुणस्तरीयता भने बढ्नुपर्ने उनीहरुको राय थियो ।

शिक्षक अभिभावक सङ्घका पूर्व अध्यक्ष तथा अभिभावक श्रीकृष्ण सुवेदीले विद्यालयले चालेका हरेक सकारात्मक कदममा अभिभावकले साथ दिने बताए । उनले बच्चाको सुन्दर भविष्यका लागि आफूहरु जस्तोसुकै त्याग गर्न पनि तयार रहेको धारणा राखे ।

विद्यालय व्यवस्थापन समितिका अध्यक्ष तिलबहादुर थापाले आफूहरुले व्यक्तिगत कामलाई छोडेर पनि विद्यालयको प्रगतिका लागि प्रयास गरेको बताए । उनले हरेक काममा अभिभावकको सल्लाहअनुसार विव्यस अघि बढेको भनाइ राखे ।

शिक्षक अभिभावक सङ्घकी अध्यक्ष लीला ओझाको अध्यक्षतामा भएको कार्यक्रममा विद्यालयका प्राचार्य रुपिन्द्र प्रभावीले अभिभावक अभिमुखीकरण गरेका थिए । उनले आफ्ना बच्चाका गतिविधिलाई पहिलो प्राथमिकतामा राखेर हेर्न अभिभावकसँग आग्रह गरे । बच्चालाई पढाइ, अनुशासन र सामाजिक रुपमा सक्षम बनाउन अभिभावकले खेल्नुपर्ने भूमिकामाथि उनले प्रकाश पारेका थिए ।

सो अवसरमा वडा नं. २ की कार्यवाहक वडा अध्यक्ष हिता रुपाखेती, विद्यालय व्यवस्थपन समितिका सदस्य दुर्गाबहादुर विक, धनपति ओझा, शिक्षक अभिभावक सङ्घका सदस्य रामचन्द ओझा, हिमलाल ढुङ्गाना, अभिभावक लक्ष्मी अधिकारी, विष्णु पौडेल, भीमबहादुर नेपाली, विव्यसका शिक्षक प्रतिनिधि बीना तिमल्सेना, शिक्षक ऋषिराम ओझालगायतले आफ्ना विचार राखेका थिए ।

Related News

सम्बन्धित समाचार

  • गण्डकी बोर्डिङ प्रिन्सिपलमा डा. विश्वयुधीर

    आदर्श समाज सम्वाददाता असार २७, २०८१
    पाेखरा । गण्डकी बोर्डिङ स्कुल प्रिन्सिपलमा डा. विश्वयुधीर पौडेल घर्ती नियुक्त भएका छन् । छनोट उपसमितिको सिफारिसमा बिहीबार बसेको व्यवस्थापन…
  • आईएसएमटी कलेजको तालिम

    आदर्श समाज सम्वाददाता असार २६, २०८१
    पोखरा । आईएसएमटी कलेज पोखरामा डाटा साइन्स एन्ड एआई फाउन्डेसन कोर्सबारे तालिम सम्पन्न भएको छ । पहिलो चरणको गत १०–२३…
  • बालज्योतिलाई पेमा छालको सहयोग

    आदर्श समाज सम्वाददाता असार २४, २०८१
    पोखरा । अन्नपूर्ण–३, मराउँचेस्थित बालज्योति आधारभूत विद्यालयलाई पेमा छाल शाक्य मोनास्ट्रिक इन्स्टिच्युटले विद्यालय पोशाक एवं स्टेसनरी तथा खेलकुद सामग्री सहयोग…
  • पोखरा विश्वविद्यालयमा प्राध्यापकसँगै विद्यार्थीहरु पनि आन्दोलित

    आदर्श समाज सम्वाददाता असार २३, २०८१
    पोखरा । पोखरा विश्वविद्यालयको केन्द्रीय कार्यालय र परीक्षा नियन्त्रण कार्यालयमा आइतबार तालाबन्दी भएको छ । शुक्रबारदेखि आन्दोलनमा उत्रेका पूर्णकालीन करार…
  • नाम चलेका ३ स्कुलकै ‘इन्ट्रान्स टपर’

    विजय नेपाल असार २३, २०८१
    पोखरा । पोखराका एक विद्यार्थी कक्षा ११ (विज्ञान) संकायको प्रवेश परीक्षामा ३ स्कुलमै उत्कृष्ट ठहरिएका छन् । हालै प्रकाशित एसइई–०८० नतिजामा…

hero news full width