पोखरा, २९ जेठ । पोखरा– १० उत्तमचोकमा बुधवार विहान प्रहरीले गोली चलाउदा पोखरा–१० उत्तमचोक निवासी ३० बर्षीय गोविन्द थापा घाइते भएका छन् ।

लागूऔषध बोकेर हिडिको विशेष सूचनाका आधारमा प्रहरीले उनलाई पक्राउ गर्न खोज्दा गोविन्द थापाले प्रहरीको हतियार खोसेर प्रहरी माथि नै गोली चलाउन खोजेपछि आत्मरक्षाका लागि प्रहरीले गोली लचाएको हो ।

उनलाई पक्राउ गर्न जिल्ला प्रहरी कार्यालय कासकीबाट प्रहरी टोली त्यहाँ पुगेको छ । गोली लागेर थापाको वाँया खुट्टामा गोली लागेको छ । घाइते थापाको पश्चिमाञ्चल क्षेत्रीय अस्पताल पोखरामा उपचार भइरहेको कास्की प्रहरीका प्रवत्ता गणेश सुवेदीले जानकारी दिएका छन् ।

प्रहरीले उनको साथबाट लागु औषध डाइजापाम, फेनरागन, नाइटोसन लगायत १५ सय थान गोली बरामद गरेको जनाएको छ । कास्की प्रहरीले कास्की जिल्लामा एक बर्षदेखि लागु औषध विरुद्धको सचेतना कार्यक्रम समेत संचालन गदै आएको छ ।